ଶୈଳବାଳା ମହାବିଦ୍ୟାଳୟ ଜମି ଦଖଲ ମାମଲାରେ ସରକାର ସମୟ ନେଲେ

କଟକ ଚଣ୍ଡୀ ମନ୍ଦିରର ବିକାଶ ପାଇଁ ଶୈଳବାଳା ମହାବିଦ୍ୟାଳୟ ଜମି ଅଧିଗ୍ରହଣ ବିରୋଧରେ ହୋଇଥିବା ଏକ ମାମଲାର ଶୁଣାଣି ବେଳେ ଆଜି ଜବାବ ଦାଖଲ ପାଇଁ ରାଜ୍ୟ ସରକାର ଅଧିକ ସମୟ ନେଇଛନ୍ତି l
ଏହି ମାମଲାର ପରବର୍ତ୍ତୀ ଶୁଣାଣି ଜୁଲାଇ 19 ତାରିଖକୁ ଧାର୍ଯ୍ୟ ହୋଇଛି l

କାର୍ଯ୍ୟରତ ଠିକା ଶ୍ରମିକଙ୍କର ବିଭିନ୍ନ ଦାବୀ ନେଇ ଆଲୋଚନା

ଅନୁଗୁଳ ଜିଲ୍ଲା ତାଳଚେର ଶିଳ୍ପାଞ୍ଚଳ ଶ୍ରମିକ ସଂଘର ସଭାପତି ତଥା ଯୁବ ବିଜେପି ନେତା ମନୋଜ କୁମାର ପ୍ରଧାନଙ୍କ ନେତୃତ୍ୱରେ ତାଳଚେର ଲିଙ୍ଗରାଜ କୋଇଲାଖଣିରେ ଥିବା ଗୋଦାବରୀ ଏବଂ କାର୍ଗୋ କମ୍ପାନୀରେ କାର୍ଯ୍ୟରତ ଠିକା ଶ୍ରମିକଙ୍କର ରେଟ୍, ସିଏମପିଏଫ ଏବଂ ମେଡ଼ିକାଲ କାର୍ଡ ଜନିତ ଦାବି ନେଇ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି l

ଏଥିରେ ଆଗାମୀ ଦିନରେ ହେବାକୁ ଥିବା ଆନ୍ଦୋଳନର ରୂପରେଖ ନେଇ ଆଲୋଚନା ହୋଇଥିଲା l

ପ୍ରଫେସରଙ୍କୁ ଆକ୍ରମଣ ଘଟଣାରେ ଦୁଇ ଅଟକ

ବ୍ରହ୍ମପୁର ବିଶ୍ଵବିଦ୍ୟାଳୟର ଓଡ଼ିଆ ବିଭାଗର ପ୍ରଫେସର ସଦାନନ୍ଦ ନାୟକଙ୍କୁ ଗତକାଲି ରାତିରେ ଆକ୍ରମଣ କରିଥିବା ଅଭିଯୋଗରେ ବିଶ୍ଵବିଦ୍ୟାଳୟର ଦୁଇଜଣ ଛାତ୍ରଙ୍କୁ ଗୋପାଳପୁର ଥାନା ପୁଲିସ ଅଟକ ରଖିଥିବା ଜଣାପଡିଛି l

ରଥଯାତ୍ରାକୁ ନେଇ ଥାନାରେ ପ୍ରସ୍ତୁତି ବୈଠକ

ଗୋପାଳପୁର ଥାନା ଅନ୍ତର୍ଗତ ଜଗନ୍ନାଥ ବିହାର ସ୍ଥିତ ଜଗନ୍ନାଥ ମନ୍ଦିରରେ ଆସନ୍ତା କାଲି ରଥଟଣାକୁ ନେଇ ଆଜି ସ୍ଥାନୀୟ ଭଞ୍ଜ ବିହାର ଫାଣ୍ଡି ଅଧିକାରୀ ଏସ ଶଙ୍କର ରାଓ ଜଗନ୍ନାଥ ମନ୍ଦିର କମିଟି ସଦସ୍ୟଙ୍କ ସହ ଆଲୋଚନା କରିଛନ୍ତି।

ରଥ ଟଣା ବେଳେ ଶାନ୍ତିଶୃଙ୍ଖଳା ରକ୍ଷା କରିବା ସହ ଟ୍ରାଫିକ ନିୟନ୍ତ୍ରଣ କରିବା, ଅସଭ୍ୟ ଭାଷା ନ କହିବା ଆଦି ଉପରେ ପରାମର୍ଶ ଦେଇଥିଲେ।

GhosaYatra