ନିର୍ବାଚନ ପ୍ରସ୍ତୁତି ସମୀକ୍ଷା ବୈଠକ: ସୀମାବର୍ତ୍ତୀ ଜିଲ୍ଲାର ଏସ୍‌ପିଙ୍କୁ ଆଲର୍ଟ

ନିର୍ବାଚନ ପ୍ରସ୍ତୁତି ସମୀକ୍ଷା ମିଟିଂ ପରେ ଡିଜିପି ଅରୁଣ ଷଡ଼ଙ୍ଗୀ କହିଛନ୍ତି, ପଡ଼ୋଶୀ ରାଜ୍ୟରୁ ଟଙ୍କା, ନିଶାଦ୍ରବ୍ୟ ଚାଲାଣ ସମ୍ଭାବନା ରହିଥିବାରୁ ସୀମାବର୍ତ୍ତୀ ଜିଲ୍ଲାର ଏସ୍‌ପିଙ୍କୁ ଆଲର୍ଟ କରାଯାଇଛି।

ନକ୍ସଲପ୍ରବଣ ଅଞ୍ଚଳରେ ସୀମାବର୍ତ୍ତୀ ରାଜ୍ୟ ସହ ସମନ୍ବୟ ରକ୍ଷା କରିବୁ। ସୋସିଆଲ୍ ମିଡିଆର କଣ୍ଟେଣ୍ଟ ଉପରେ ତୀକ୍ଷଣ ନଜର ରହିଛି କହିଛନ୍ତି ଡିଜିପି।

ବଜ୍ରପାତ ସହ ଝଡ଼ବର୍ଷା ନେଇ ସତର୍କତା ଜାରି

ମାର୍ଚ ୧୯ରେ ୧୨ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି ହୋଇଥିବା ବେଳେ ଅନ୍ୟ ୧୪ ଜିଲ୍ଲାକୁ ୟେଲୋ ଆଲର୍ଟ ଜାରି କଲା ପାଣିପାଗ ବିଭାଗ।

୪୦ରୁ ୫୦ କିମି ବେଗରେ ପବନ ସହ କୁଆପଥର ବର୍ଷା ସମ୍ଭାବନା ରହିଛି। ୨୦ରେ କଟକ, ଖୋର୍ଦ୍ଧା, ନୟାଗଡ଼ ଓ କନ୍ଧମାଳକୁ ଅରେଞ୍ଜ ଆଲର୍ଟ ଜାରି ହୋଇଛି।

୨ ନକଲି ଇଡି ଅଧିକାରୀଙ୍କୁ ଧରିଲା କ୍ରାଇମବ୍ରାଞ୍ଚ

ଗିରଫ ୨ ଭାଇ ଢେଙ୍କାନାଳ ଦୋଳମଣ୍ଡପ ସାହିର।ଛତ୍ରପୁର ଉପଜିଲ୍ଲାପାଳଙ୍କ ଅଭିଯୋଗ ଆଧାରରେ ଉଭୟଙ୍କୁ ଗିରଫ କରାଯାଇଛି।

ନିଜକୁ ଇଡି ଅଧିକାରୀ କହି ସରକାରୀ ଅଧିକାରୀଙ୍କୁ ଠକୁଥିଲେ। କୌଣସି କେସ୍‌ର ରଫାଦଫା ପାଇଁ ଟଙ୍କା ଆଦାୟ କରୁଥିଲେ। ଟଙ୍କା ନେବା ପରେ ମିଛ କ୍ଲିଅରାନ୍ସ ରିପୋର୍ଟ ମଧ୍ୟ ଦେଉଥିଲେ।

ଜାଗମରା କାନାଡ଼ା ବ୍ୟାଙ୍କ ସମ୍ମୁଖରେ ଲୁଟ୍‌

ଭୁବନେଶ୍ବର ଭୀମଟାଙ୍ଗୀ ଅଞ୍ଚଳର ମନୋଜ ଲେଙ୍କା ଲୁଟ୍‌ର ଶିକାର ହୋଇଛନ୍ତି।

ଟଙ୍କା ଉଠାଇ ସାଙ୍ଗ ସହ କଥା ହେବାବେଳେ ବାଇକରେ ଆସି ୨ ଯୁବକ ଟଙ୍କା ଲୁଟ୍‌ କରି ଛୁ ମାରିଛନ୍ତି। ଖଣ୍ଡଗିରି ପୁଲିସ ଘଟଣାର ତଦନ୍ତ କରୁଛି।

ଜୁନ ୧ ତାରିଖରେ ଏହି ନିର୍ବାଚନୀ ମଣ୍ଡଳୀଗୁଡ଼ିକରେ ଭୋଟ୍‌ ଗ୍ରହଣ

ସୋର, ସିମୁଳିଆ, ଭଣ୍ଡାରିପୋଖରୀ, ଭଦ୍ରକ, ବାସୁଦେବପୁର, ଧାମନଗର, ଚାନ୍ଦବାଲି, ସାଲେପୁର, ମାହାଙ୍ଗା, ପାଟକୁରା, କେନ୍ଦ୍ରାପଡ଼ା, ଆଳି, ରାଜନଗର, ମହାକାଳପଡ଼ା, ଯଶୀପୁର, ସାରସକଣା, ରାଇରଙ୍ଗପୁର, ବାଙ୍ଗିରିପୋଷି, ଉଦଳା, ବାରିପଦା, ମୋରଡ଼ା, ବଡ଼ସାହି, ଜଳେଶ୍ୱର, ଭୋଗରାଇ, ବସ୍ତା, ବାଲେଶ୍ୱର, ରେମୁଣା, ନୀଳଗିରି ନିର୍ବାଚନୀ ମଣ୍ଡଳୀରେ ଭୋଟ୍‌ ଗ୍ରହଣ ହେବ।

ମେ’ ୨୫ ତାରିଖରେ ଏହି ନିର୍ବାଚନୀ ମଣ୍ଡଳୀଗୁଡ଼ିକରେ ଭୋଟ୍‌ ଗ୍ରହଣ

କୁଚିଣ୍ଡା, ରେଙ୍ଗାଲି, ସମ୍ବଲପୁର, ରେଢ଼ାଖୋଲ, ଦେବଗଡ଼, ଛେଣ୍ଡିପଦା, ଆଠମଲ୍ଲିକ, ତେଲକୋଇ, ଘସିପୁରା, ଆନନ୍ଦପୁର, ପାଟଣା, କେନ୍ଦୁଝର, ଚମ୍ପୁଆ, କରଞ୍ଜିଆ, ଢେଙ୍କାନାଳ, ହିନ୍ଦୋଳ, କାମାକ୍ଷାନଗର, ପର୍ଜଙ୍ଗ, ପାଲଲହଡ଼ା, ତାଳଚେର, ଅନୁଗୁଳ,ବଡ଼ମ୍ବା, ବାଙ୍କୀ, ଆଠଗଡ଼, ବାରବାଟୀ-କଟକ, ଚୌଦ୍ୱାର-କଟକ, କଟକ ସଦର, ଖଣ୍ଡପଡ଼ା, ବେଗୁନିଆ, ଖୋର୍ଦ୍ଧା, ଜଟଣୀ, ଭୁବନେଶ୍ବର(ମଧ୍ୟ), ଭୁବନେଶ୍ବର(ଉତ୍ତର), ଭୁବନେଶ୍ବର(ଏକାମ୍ର), ଜୟଦେବ, ପୁରୀ, ବ୍ରହ୍ମଗିରି, ସତ୍ୟବାଦୀ, ପିପିଲି, ଚିଲିକା, ରଣପୁର, ନୟାଗଡ଼ ନିର୍ବାଚନୀ ମଣ୍ଡଳୀରେ ଭୋଟ୍‌ ଗ୍ରହଣ ହେବ।

ମେ’ ୨୦ ତାରିଖରେ ଏହି ନିର୍ବାଚନୀ ମଣ୍ଡଳୀଗୁଡ଼ିକରେ ଭୋଟ୍‌ ଗ୍ରହଣ

ମେ’ ୨୦ ତାରିଖରେ ତଲସରା, ସୁନ୍ଦରଗଡ଼, ବୀରମିତ୍ରପୁର, ରଘୁନାଥପାଲୀ, ରାଉରକେଲା, ରାଜଗାଙ୍ଗପୁର, ବଣାଇ, ପଦ୍ମପୁର, ବିଜେପୁର, ବରଗଡ଼, ଅତାବିରା, ଭଟଲି, ବ୍ରଜରାଜନଗର, ଝାରସୁଗୁଡ଼ା, ବୀରମହାରାଜପୁର, ସୋନପୁର, ଲୋଇସିଂହା, ପାଟଣାଗଡ଼, ବଲାଙ୍ଗିର, ଟିଟଲାଗଡ଼, କଣ୍ଟାବାଞ୍ଝି, ବାଲିଗୁଡ଼ା, ଜି. ଉଦୟଗିରି, ଫୁଲବାଣୀ, କଣ୍ଟାମାଳ, ବୌଦ୍ଧ, ଦଶପଲା, ଭଞ୍ଜନଗର ପୋଲସରା, କବିସୂର୍ଯ୍ୟ ନଗର, ଖଲ୍ଲିକୋଟ, ଆସିକା, ସୋରଡ଼ା, ସାନଖେମୁଣ୍ଡି ଓ ହିଞ୍ଜିଳିରେ ଭୋଟ ଗ୍ରହଣ ହେବ।

ମେ’ ୧୩ ତାରିଖରେ ଏହି ନିର୍ବାଚନୀ ମଣ୍ଡଳୀଗୁଡ଼ିକରେ ଭୋଟ୍‌ ଗ୍ରହଣ

ମେ’ ୧୩ ତାରିଖରେ ନୂଆପଡ଼ା, ଖଡ଼ିଆଳ, ଲାଞ୍ଜିଗଡ଼, ଜୁନାଗଡ଼, ଧର୍ମଗଡ଼, ଭବାନୀପାଟଣା, ନର୍ଲା, ଉମରକୋଟ, ଝରିଗାଁ, ନବରଙ୍ଗପୁର, ଡାବୁଗାଁ , କୋଟପାଡ଼, ମାଲକାନଗିରି, ଚିତ୍ରକୋଣ୍ଡା, ଗୁଣୁପୁର, ବିଷମକଟକ, ରାୟଗଡ଼ା, ଲକ୍ଷ୍ମୀପୁର, ଜୟପୁର, କୋରାପୁଟ, ପଟ୍ଟାଙ୍ଗୀ, ଛତ୍ରପୁର, ଗୋପାଳପୁର, ବ୍ରହ୍ମପୁର, ଦିଗପହଣ୍ଡି, ଚିକିଟି, ମୋହନା, ପାରଳାଖେମୁଣ୍ଡିରେ ଭୋଟ ଗ୍ରହଣ ହେବ।

ଦେଖନ୍ତୁ କେଉଁ ଦିନ କେଉଁଠି ହେବ ଲୋକସଭା ନିର୍ବାଚନ

ମେ’ ୧୩ ତାରିଖରେ କଳାହାଣ୍ଡି, ନବରଙ୍ଗପୁର, ବ୍ରହ୍ମପୁର ଓ କୋରାପୁଟରେ ନିର୍ବାଚନ ଥିବାବେଳେ ମେ’ ୨୦ ତାରିଖରେ ବରଗଡ଼, ସୁନ୍ଦରଗଡ଼, ବଲାଙ୍ଗିର, କନ୍ଧମାଳ, ଆସିକାରେ ହେବ ଭୋଟ ଗ୍ରହଣ।

ମେ’ ୨୫ରେ ସମ୍ବଲପୁର, କେନ୍ଦୁଝର, ଢେଙ୍କାନାଳ, କଟକ, ପୁରୀ, ଭୁବନେଶ୍ୱର ଏବଂ ଜୁନ୍‌ ୧ରେ ମୟୂରଭଂଜ, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁରରେ ଲୋକସଭା ନିର୍ବାଚନ ହେବ।

ଓଡ଼ିଶାରେ ଚାରି ପର୍ଯ୍ୟାୟରେ ଭୋଟ: ମେ 13, 20, 25 ଏବଂ ଜୁନ 1

ନିର୍ବାଚନ କମିଶନ ଆଜି ଘୋଷଣା କରିଥିବା କାର୍ଯ୍ୟସୂଚୀ ଅନୁସାରେ ଓଡିଶାରେ ଚାରି ପର୍ଯ୍ୟାୟରେ ଉଭୟ ଲୋକସଭା ଓ ବିଧାନସଭା ପାଇଁ ମେ 13, 20, 25 ଏବଂ ଜୁନ 1 ତାରିଖରେ ମତଦାନ ହେବ l ଜୁନ 4 ତାରିଖରେ ଦେଶବ୍ୟାପୀ ଭୋଟ ଗଣତି ହେବ l

Nuakhai wishes