ଆତ୍ମ ସୁରକ୍ଷା ତାଲିମ ଶିବିର ଉଦଯାପିତ

ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା +୨ କଲେଜରେ ୮ ଦିନଧରି ଚାଲିଥିବା ଆତ୍ମ ସୁରକ୍ଷା ତାଲିମ ଶିବିର ଉଦଯାପିତ ହୋଇଯାଇଛି। ଅଧ୍ୟକ୍ଷ ଭୋଳାନାଥ କର୍ମୀଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ସୁବଳୟା ସରପଞ୍ଚ ପ୍ରମୋଦ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଉଦବୋଧନ ଦେଇଥିଲେ।

କାର୍ଯ୍ୟକ୍ରମ ଅଧିକାରୀ ପ୍ରଜ୍ଞାକଳ୍ପିତା ନାଏକ ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ। ୭୨ ଜଣ ପ୍ରଶିକ୍ଷାର୍ଥୀ ଏଥିରେ ଅଂଶଗ୍ରହଣ କରିଥିଲେ। କଲ୍ୟାଣମୟୀ ତ୍ରିପାଠୀ ଓ ଶୁଭ୍ରଜ୍ୟୋତି ପଧାନ ପ୍ରଶିକ୍ଷିକା ଭାବେ ଯୋଗ ଦେଇଥିଲେ।

ନୂତନ ବିଗ୍ରହ ସ୍ଥାପନ ଓ ବିଶ୍ବଶାନ୍ତି ମାନସ ଯଜ୍ଞ

ବଲାଙ୍ଗିର ଜିଲ୍ଲା ଅନ୍ତର୍ଗତ ହରଭଙ୍ଗାରେ ବିଶ୍ୱ ଶାନ୍ତି ମାନସ ଯଂଜ୍ଞ ଓ ମହାକାଳେଶ୍ଵରଙ୍କ ନୂତନ ବିଗ୍ରହ ସ୍ଥାପନ କାର୍ଯ୍ୟକ୍ରମ ଉଦଯାପିତ ହୋଇଛି | କପିଳେଶ୍ୱର ପଣ୍ଡାଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମର ପ୍ରଥମ ଦିନରେ ବିଧାୟକ ଡ. ମୁକେଶ ମହାଲିଙ୍ଗ ଅତିଥି ଭାବେ ଯୋଗ ଦେଇଥିଲେ|

ଏହି ଅବସରରେ ନଅ ଦିନ ବ୍ୟାପି ନାମଯଂଜ୍ଞ ହୋମ ହିନ୍ଦୀ ରାମାୟଣ ପାଠ ଓଡ଼ିଆ ରାମାୟଣ ପାଠ ସମେତ ଆଜି ଅନ୍ତିମ ଦିବସରେ ମହାକାଳେଶ୍ଵରଙ୍କ ନୂତନ ଭବ୍ୟ ବିଗ୍ରହ ସ୍ଥାପନା ହୋଇଥିଲା |

ପଂଚାୟତ ସ୍ତରୀୟ ଦୁର୍ବିପାକ ପରିଚାଳନା କର୍ମଶାଳା

ଓଡିଶା ରାଜ୍ୟ ଦୁର୍ବିପାକ ପରିଚାଳନା କର୍ତ୍ତୁପକ୍ଷ ପକ୍ଷରୁ ରେଆର ସୋନପୁର ଦ୍ୱାରା ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କମିରା ଗ୍ରାମପଞ୍ଚାୟତ କାର୍ଯ୍ୟାଳୟ ପରିସରରେ ପଂଚାୟତ ସ୍ତରୀୟ ଦୁର୍ବିପାକ ପରିଚାଳନା ଯୋଜନା ବୈଠକ ସ୍ଥାନୀୟ ସରପଞ୍ଚ ଅନୁସୟା ପଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।

କାର୍ଯ୍ୟ ନିର୍ବାହୀ ଅଧିକାରୀ ବିଶ୍ଵାମିତ୍ର ସିଂ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ରେଆର କାର୍ଯ୍ୟକ୍ରମ ଅଧିକାରୀ ମିତ୍ରଭାନୁ ମଲ୍ଲିକ ପଂଚାୟତ ସ୍ତରୀୟ ଦୁର୍ବିପାକ ପରିଚାଳନା କମିଟି ଗଠନର ଆବଶ୍ୟକତା ବିଷୟରେ ଉପସ୍ଥାପନା କରିଥିଲେ।

ପଞ୍ଚାୟତ ସ୍ତରୀୟ ସଚେତନତା କାର୍ଯ୍ୟକ୍ରମ

ସୋନପୁର ଜିଲ୍ଲା ବୀରମହାରାଜପୁର ବ୍ଲକ ହିଲୁଙ୍ଗ ପଞ୍ଚାୟତ ପକ୍ଷରୁ ଆଜି ଟାଉନ ହଲ ଠାରେ ପଞ୍ଚାୟତ ସ୍ତରୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଏହି ଅବସରରେ ବୀରମହାରାଜପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହା, ଉପାଧ୍ୟକ୍ଷ ନାରାୟଣ ଲୁହା, ଗୋଷ୍ଠୀ ଉନ୍ନୟନ ଅଧିକାରୀ ରଘୁନାଥ ପାଣିଗ୍ରାହୀ ପ୍ରମୁଖ ଅତିଥି ଭାବେ ଯୋଗଦେଇ ଥିଲେ।

ଯୁବ କଳାକାରଙ୍କୁ ହତ୍ୟା ଘଟଣା, ତିନି ଅଭିଯୁକ୍ତ ଗିରଫ

ସୋନପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ଥାନ ଅନ୍ତର୍ଗତ ଚନ୍ଦଳି ଅଞ୍ଚଳରେ ଗତ ୨୭ ତାରିଖ ଦିନ ସୁବଳୟା ଗ୍ରାମର ଯୁବ କଳାକାର ଡମ୍ବରୁଧର ଅଧିକାରୀଙ୍କୁ ହତ୍ୟା କରାଯାଇଥିଲା। ଉକ୍ତ ଘଟଣାରେ ସଂପୃକ୍ତଥିବା ବଡ଼ଖମାର ରାଜିବ କୁମ୍ଭାର, ବାଗବର ରିତ ନାଏକ, ବାଗଧୁରୀ ଗ୍ରାମର ଜଣେ ଯୁବତୀ କାଜଲ ମହାପାତ୍ର ଙ୍କୁ ବିଭିନ୍ନ ସ୍ଥାନରୁ ପୁଲିସ ଆଜି ଗିରଫ କରିଛି। ସନ୍ଧ୍ୟା ସୁଦ୍ଧା କୋର୍ଟ ଚାଲାଣ କରାଯିବ ବୋଲି ଜଣାଯାଇଛି।

ଅରବିନ୍ଦ ଏଜୁକେସନାଳ ର ଟ୍ରଷ୍ଟ ବାର୍ଷିକ ଉତ୍ସବ

ସୋନପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ରାଣୀପୁର ସ୍ଥିତ ଶ୍ରୀ ଅରବିନ୍ଦ ଏଜୁକେସନାଳ ଟ୍ରଷ୍ଟ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ବିଭିନ୍ନ ମାନ୍ୟଗଣ୍ୟ ବ୍ୟକ୍ତି ଅତିଥି ଭାବେ ଯୋଗଦେଇ ଥିଲେ।

କ୍ରିକେଟ ମ୍ୟାଚ୍ ପାଇଁ ମଶାଲ ଶୋଭାଯାତ୍ରା ଅନୁଷ୍ଠିତ

ସୋନପୁର ଜିଲ୍ଲା ବୀରମହାରାଜପୁର ବ୍ଲକ ଉଫୁଲା ପଞ୍ଚାୟତ ଅନ୍ତର୍ଗତ କାନପୁର ୩ୟ ଏମଏମଏନଏସି କ୍ରିକେଟ ମ୍ୟାଚ ପାଇଁ ଆଜି ସ୍ଥାନୀୟ ମାହେଶ୍ୱରୀ ମନ୍ଦିରରେ ପୂଜାର୍ଚ୍ଚନା କରି ମଶାଲ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ଏଥିରେ ବ୍ଳକ ଅଧ୍ୟକ୍ଷା ଶାନ୍ତି ଲୁହା, ସ୍ଥାନୀୟ ସରପଞ୍ଚ ଶ୍ରୀୟା କର୍ମୀ ଓ ସମାଜସେବୀ ମିନକେତନ ମହାକୁର ଅତିଥି ଭାବେ ଯୋଗଦେଇ ଶୋଭାଯାତ୍ରା ରେ ସାମିଲ ହୋଇଥିଲେ।

ରାଜ୍ୟସ୍ତରୀୟ ଚିତ୍ରକଳ ପ୍ରତିଯୋଗିତାରେ ଦ୍ବିତୀୟ ସ୍ଥାନରେ କୁନାଲ

ସୋନପୁର ଜିଲ୍ଲା ବୀରମହାରାଜପୁର ବାଳକ ଉଚ୍ଚ ବିଦ୍ୟାଳୟ ନବମ ଶ୍ରେଣୀ ର ଛାତ୍ର କୁନାଲ ରଣା ଭୁବନେଶ୍ୱର ରାଜ୍ୟ ସ୍ତରୀୟ ଜୁନିଅର ରେଡକ୍ରସ ଶିବିର ରେ ସୋନପୁର ଜିଲ୍ଲା କୁ ପ୍ରତିନିଧତ୍ଵ କରି ଚିତ୍ରକଳା(ପେଣ୍ଟିଂ) ପ୍ରତିଯୋଗିତା ରେ ସମଗ୍ର ରାଜ୍ୟ ରେ ଦ୍ଵିତୀୟ ସ୍ଥାନ ଅଧିକାର କରି ବିଦ୍ୟାଳୟ ତଥା ଜିଲ୍ଲା କୁ ଗୌରବାନ୍ଵିତ କରିଛନ୍ତି ।ତାଙ୍କର ଏହି ସଫଳତା ରେ ପ୍ରଧାନ ଶିକ୍ଷକ ନିରଞ୍ଜନ ଦାଶ, କାଉନ୍ସେଲର ବୈକୁଣ୍ଠ ନାୟକ,ଜିଲ୍ଲା ରେଡ଼କ୍ରସ ଅଫିସର ରବିଚନ୍ଦ୍ର ପଶାୟତ,ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ ଖୁସି ବ୍ୟକ୍ତ କରିବା ସହ ଛାତ୍ରଙ୍କ ଉଜ୍ବଳ ଭବିଷ୍ୟତ କାମନା କରିଛନ୍ତି ।

ଆତ୍ମ ସୁରକ୍ଷା ତାଲିମ ଶିବିର ଉଦଯାପିତ

ସୋନପୁର ଜିଲ୍ଲା ବୀରମହାରାଜପୁର ଉଚ୍ଚ ମାଧ୍ୟମିକ ବିଦ୍ୟାଳୟରେ ଚାଲିଥିବା ଆତ୍ମ ସୁରକ୍ଷା ତାଲିମ ଶିବିର ଉଦଯାପିତ ହୋଇଯାଇଛି। କଲେଜ ଅଧ୍ୟକ୍ଷ ଡ. ହିମାଂଶୁ ଶେଖର ପାଢୀଙ୍କ ସଭାପତିତ୍ବରେ ଅନୁଷ୍ଠିତ ଉଦଯାପନୀ ସଭାରେ ପରିଚାଳନା କମିଟି ସଭାପତି ସ୍ବୟମ୍ଭୁନାଥ ଖଣ୍ଡଗିରି ମୁଖ୍ଯଅତିଥି ଭାବେ ଯୋଗ ଦେଇଥିଲେ।

ପ୍ରଧ୍ୟାପିକା ଗୀତାଞ୍ଜଳି ପୂଜାରୀ, ଅଧ୍ୟାପିକା ସୀମାରାଣୀ ବେହେରା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଆତ୍ମସୁରକ୍ଷାର ସଂଯୋଜିକା ଅଧ୍ୟାପିକା ସୁପ୍ରଭା ନନ୍ଦ, ପ୍ରଶିକ୍ଷିକା କଲ୍ୟାଣୀମୟୀ ତ୍ରିପାଠୀ ଓ ଶୁଭ୍ରଜ୍ୟୋତି ପଧାନ ପ୍ରମୁଖ ଉପସ୍ଥିତ ଥିଲେ। ଅଧ୍ୟାପିକା ହରପ୍ରିୟା ମହାପାତ୍ର ସଭାର ସଂଯୋଜନା କରିବା ସହ ଧନ୍ୟବାଦ ଦେଇଥିଲେ।

୧୯ତମ ପାତାଳୀ ମହୋତ୍ସବ ପ୍ରସ୍ତୁତି ବୈଠକ

ପ୍ରସିଦ୍ଧ ପାତାଳୀ ଶ୍ରୀକ୍ଷେତ୍ର କୋଟସମଲାଇ ଠାରେ ୧୯ତମ ପାତାଳୀ ମହୋତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

ଆସନ୍ତା ୯ ତାରିଖରେ ଏଥିପାଇଁ କଳସ ଏବଂ ସାଂସ୍କୃତିକ ଶୋଭାଯାତ୍ରା, ୧୦ ତାରିଖରେ ମହାପ୍ରଭୁଙ୍କ ପଦ୍ମ ମୁଖ ବେଶ ଦର୍ଶନ, ଭାଗବତ ସପ୍ତାହ ପାରାୟଣ ଆରମ୍ଭ, ୫୬ ପ୍ରହରୀ ନାମଯଜ୍ଞ ଆରମ୍ଭ, ସାଂସ୍କୃତିକ ସଭା, ସାଂସ୍କୃତିକ କାର୍ଯ୍ୟକ୍ରମ ଓ ୧୭ ତାରିଖରେ ପୂର୍ଣ୍ଣାହୂତି କାର୍ଯ୍ୟକ୍ରମ ରହିଛି।

Nuakhai wishes