Odisha

୬ ଲକ୍ଷ ୩୬ ହଜାର ୮୫୮ ଜଣ ଆବେଦନକାରୀ ଭତ୍ତା ଅପେକ୍ଷାରେ ଅଛନ୍ତି ନେଇ ବିଧାୟକ ମାନସ ଦତ୍ତଙ୍କ ପ୍ରଶ୍ନରେ ସାମାଜିକ ସୁରକ୍ଷା ମନ୍ତ୍ରୀ ଉତ୍ତର ରଖିଛନ୍ତି।

୮୦ରୁ ଊର୍ଦ୍ଧ ବୟସ୍କ ୩୬୯୨ ଜଣ ଆବେଦନ କରି ଅପେକ୍ଷା କରିଛନ୍ତି ଏବଂ ୮୦%ରୁ ଅଧିକ ଭିନ୍ନକ୍ଷମ ୫୯୮୧ ଜଣ ଆବେଦନ କରି ଭତ୍ତା ଅପେକ୍ଷାରେ ଅଛନ୍ତି। ଗଞ୍ଜାମରେ ସର୍ବାଧିକ ୬୫ ହଜାର ୫୫ ଜଣ ଭତ୍ତା ପାଇଁ ଅପେକ୍ଷା କରିଥିବା ବେଳେ କଟକରେ ସର୍ବାଧିକ ୫୬୫ ଜଣ ଭିନ୍ନକ୍ଷମ ବ୍ୟକ୍ତି ଭତ୍ତା ଅପେକ୍ଷାରେ ଅଛନ୍ତି।

ଆନ୍ଧ୍ର ଭଳି ଛତିଶଗଡ଼ ସରକାର ବି ଅନଧିକାର ପ୍ରବେଶ କରୁଛି ନେଇ ପ୍ରସନ୍ନ ଆଚାର୍ଯ୍ୟ ଉଦ୍‌ବେଗ ପ୍ରକାଶ କରିଛନ୍ତି। ସେ କହିଛନ୍ତି, ଝାରସୁଗୁଡ଼ା ଲଖନପୁରରେ ଅନଧିକାର ପ୍ରବେଶ କରୁଛି ଛତିଶଗଡ଼, ଅନଧିକାର ପ୍ରବେଶ କରି ଚାଷୀଙ୍କ ଗାଡ଼ିକୁ ଅଟକାଇ ଚେକିଂ କରୁଛି। ଝାରସୁଗୁଡ଼ା ପ୍ରଶାସନ ସଂପୂର୍ଣ୍ଣ ନୀରବ, ଏହାକୁ ରୋକିବାକୁ ଉଦ୍ୟମ କରନ୍ତୁ, ଝାରସୁଗୁଡ଼ା ପ୍ରଶାସନ ସହ ଆଲୋଚନା କରି ପଦକ୍ଷେପ ନିଅନ୍ତୁ କହିଛନ୍ତି ପ୍ରସନ୍ନ।

ଏ ନେଇ ଗୃହରେ ଉତ୍ତର ରଖିଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ। ସମ୍ବଲପୁରରେ ସର୍ବାଧିକ ୧୭୫ଟି ସ୍କୁଲ୍ ଜରାଜୀର୍ଣ୍ଣ ଥିବାବେଳେ ମୟୁରଭଞ୍ଜରେ ୧୨୨, ସୁବର୍ଣ୍ଣପୁରରେ ୧୦୭ ସ୍କୁଲ୍, କଳାହାଣ୍ଡିର ୧୦୧ ଓ ଗଞ୍ଜାମରେ ୧୦୦ ସ୍କୁଲ୍ ଜରାଜୀର୍ଣ୍ଣ ଅଛି।

କଟକରେ ୧୦୪, ବାଲେଶ୍ୱରରେ ୯୫, କେନ୍ଦ୍ରାପଡ଼ାରେ ୯୦ ଓ କେନ୍ଦୁଝରରେ ୯୪ ସ୍କୁଲ୍ ଜରାଜୀର୍ଣ୍ଣ ବୋଲି ମନ୍ତ୍ରୀ ଲିଖିତ ଉତ୍ତର ରଖିଛନ୍ତି।

ଢାବା ମାଲିକଙ୍କଠାରୁ ୨୫ ହଜାର ଟଙ୍କା ଲାଞ୍ଚ ନେଇ ସୁନ୍ଦରଗଡ଼ ଜିଲ୍ଲା ବଡ଼ଗାଁ ଥାନା ASI ଅରୂପାନନ୍ଦ ଦାସ ଗିରଫ ହୋଇଛନ୍ତି। ଗିରଫ ପରେ ASIଙ୍କ ଘର ସମେତ ୪ଟି ସ୍ଥାନରେ ଭିଜିଲାନ୍ସର ଚଢ଼ାଉ କରିଛି।

ଭୁବନେଶ୍ବର ଓ ବଡ଼ଗାଁ ଘରୁ ନଗଦ ୩ ଲକ୍ଷ ୩୧ ହଜାର ଟଙ୍କା, ଭିଏତନାମ ଓ ନେପାଳର ମୁଦ୍ରା ଜବତ କରିଛି। ଗତବର୍ଷ ମେ’ ମାସରେ ଭିଏତନାମ ବୁଲିବାକୁ ଯାଇଥିଲେ ଥାନା ବାବୁ।

ନିଶା ନିବାରଣ କେନ୍ଦ୍ର ଦ୍ୱାରା ୧୯ ହଜାର ୩୯୫ ଜଣ ନିଶାମୁକ୍ତ ହେଲେଣି ନେଇ ବିଧାନସଭାରେ ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଲିଖିତ ଉତ୍ତର ରଖିଛନ୍ତି।

ଗଞ୍ଜାମ ଜିଲ୍ଲାରୁ ସର୍ବାଧିକ ୬୦୯୩ ବ୍ୟକ୍ତିଙ୍କୁ ନିଶାମୁକ୍ତ କରାଯାଇଥିବା ବେଳେ ରାଜ୍ୟରେ ମୋଟ୍‌ ୫୫ଟି ନିଶା ନିବାରଣ କେନ୍ଦ୍ର ରହିଛି କହିଛନ୍ତି ମନ୍ତ୍ରୀ।

ପିସିସି ସଭାପତି ଭକ୍ତ ଦାସ, ୮ ବିଧାୟକଙ୍କୁ ନେଇ ବେଙ୍ଗଲୁରୁ ଯାଇଛନ୍ତି।କଂଗ୍ରେସ ଦଳ ମୁଖ୍ୟ ସଚେତକ ସିଏସ୍ ରାଜନ ଏକ୍କା ମଧ୍ୟ ବେଙ୍ଗଲୁରୁ ଯାଇଛନ୍ତି।

ରାଜ୍ୟସଭା ନିର୍ବାଚନର ଘୋଡ଼ା ବେପାର ହେବା ଭୟରେ କଂଗ୍ରେସ ଏହି ୮ ବିଧାୟକଙ୍କୁ ବେଙ୍ଗଲୁରୁ ନେଇଛି।

ଆସନ୍ତା ଶିକ୍ଷା ବର୍ଷରୁ ତୃତୀୟରୁ ଅଷ୍ଟମ ଶ୍ରେଣୀ ପିଲାଙ୍କୁ ମିଳିବ ଶାରୀରିକ ଶିକ୍ଷା। ଏନେଇ ଗୃହରେ ଉତ୍ତର ରଖିଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ।

ଶ୍ରୀ ଗଣ୍ଡ କହିଛନ୍ତି, ଜାତୀୟ ଶିକ୍ଷା ନୀତି ୨୦୨୦ ଅଧୀନରେ ଶାରୀରିକ ଶିକ୍ଷା ଦିଆଯିବ, ଏବେ ଡିଜିଟାଲ୍ କ୍ଲାସରୁମ୍‌ରେ ଇ-କଣ୍ଟେଣ୍ଟ ଦ୍ୱାରା ଶିକ୍ଷା ଦିଆଯାଉଛି କହିଛନ୍ତି ମନ୍ତ୍ରୀ।

ବିଜେଡି ବିଧାୟକଙ୍କୁ ଚିଠି ଲେଖି ହ୍ବିପ୍‌ ମାନିବାକୁ କଡା ନିର୍ଦ୍ଦେଶ ଦେବା ସହ ଆଜି ଓ ଆସନ୍ତାକାଲି ନବୀନ ନିବାସରେ ଉପସ୍ଥିତ ରହିବାକୁ ନିର୍ଦ୍ଦେଶ ଦେଇଛନ୍ତି।

ସଂଧ୍ୟା ୫ଟା ୩୦ରୁ ୭ଟା ୩୦ ପର୍ଯ୍ୟନ୍ତ ଟ୍ରେନିଂରେ ଯୋଗ ଦେବାକୁ ନିର୍ଦ୍ଦେଶ ରହିଛି। ରବିବାର ହେବାକୁ ଥିବା ବିଧାୟକ ଦଳ ବୈଠକରେ ଉପସ୍ଥିତି ବାଧ୍ୟତାମୂଳକ କହିଛନ୍ତି ବିଜେଡି ସୁପ୍ରିମୋ।