Balangir

ବଲାଙ୍ଗୀର ଜିଲ୍ଲା ଭାଲୁପାଲି ଗ୍ରାମରେ କେନ୍ଦୁ ପତ୍ର ଶୁଖାଇ ଥିବା ପଡିଆ ନିକଟରେ କେନ୍ଦୁପତ୍ରରେ ନିଆଁ ଲାଗି ପାଖା ପାଖି ୧୦୦ରୁ ଉର୍ଦ୍ଧ୍ବ କେନ୍ଦୁ ବିଡ଼ା ପୋଡିଯାଇଥିବା ଗ୍ରାମବାସୀ ଆଜି କହିଛନ୍ତି।

ଗ୍ରାମବାସୀ ପହଞ୍ଚି ନିଆଁକୁ ଆୟତ୍ତ କରିଥିଲେ।

ଭୀମଭୋଇ ମେଡିକାଲ କଲେଜରେ ,ବର୍ତ୍ତମାନ ପର୍ଯ୍ୟନ୍ତ କେବଳ ଏମ୍‌ବିବିଏସ୍‌ ଶିକ୍ଷାଦାନ ହେଉଥିବା ବେଳେ , ଏହି ଅନୁଷ୍ଠାନରେ ଚଳିତ ବର୍ଷ ମେ’ ମାସ ଠାରୁ ପୋଷ୍ଟ ଏମ୍‌ବିବିଏସ୍‌ ଡିପ୍ଲୋମା(୨ ବର୍ଷ) ପାଠ୍ୟକ୍ରମରେ ଶିକ୍ଷାଦାନ ଆରମ୍ଭ ହୋଇଯାଇଛି ।

ନେସ୍‌ନାଲ ବୋର୍ଡ ଅଫ୍‌ ଏକ୍‌ଜାମିନେସନ୍‌ (ଏମ୍‌ବିଇ) ଦ୍ୱାରା ପରିଚାଳିତ ଏହି ପାଠ୍ୟକ୍ରମ ପାଇଁ ଭୀମଭୋଇ ମେଡିକାଲ କଲେଜର ବିଭିନ୍ନ ବିଭାଗରେ ୧୩ଟି ସିଟ୍‌ ପାଇଁ ସ୍ୱୀକୃତି ମିଳିଥିବା ସୂଚନା ମିଳିଛି।

ଇତି ମଧ୍ୟରେ ବଲାଙ୍ଗୀର ଜିଲ୍ଲା ନଗାଁ(ଖ) ରେ ବୁଢ଼ା ଦେଓ ଓ ମାଁ ପାଟଣେଶ୍ୱରୀ ମନ୍ଦିର ପ୍ରତିଷ୍ଠା ଉତ୍ସବ ପାଳିତ ହୋଇ ଯାଇଛି।ଲୋଇସିଂହା ବିଧାୟକ ଡ଼ଃ ମୁକେଶ ମହଲିଂଗ ଙ୍କ ସଭାପତିତ୍ବରେ ସାଂସ୍କୃତିକ ସନ୍ଧ୍ୟାର ବିଭିନ୍ନ ଦିବସରେ ପୂର୍ବତନ ମନ୍ତ୍ରୀ କେ.ଭି.ସିଂହଦେଓ, ମନମୋହନ ପଟେଲ ତଥା ଅନ୍ୟାନ୍ୟ ବ୍ୟକ୍ତି ବିଶେଷ ଯୋଗ ଦେଇଥିଲେ।

କଲିକତା,ସମ୍ବଲପୁର ର ଲହରୀ ଅନୁଷ୍ଠାନ ପ୍ରମୁଖ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ।

ବଲାଙ୍ଗୀର ଜିଲ୍ଲା ପଣ୍ଡରାଣୀ ଗ୍ରାମସ୍ଥିତ ଶ୍ରୀ ଶ୍ରୀ ଅଭିରାମ ଆଶ୍ରମ ଠାରେ ଜଗତ ଗୁରୁ ଠାକୁର ଅଭିରାମ ପରମହଂସ ଦେବଙ୍କ ଚନ୍ଦନ ଯାତ୍ରା ପାଳିତ ହୋଇଛି ।

ବାବାଜୀ କରୁଣାକର ଦାସ ମହାରାଜଙ୍କ ତତ୍ତ୍ଵlବଧାନର ଅନୁଷ୍ଠିତ ପର୍ବରେ ଭଜନ, ଆଳତି ସହ ଚାପରେ ଠାକୁର ଓ ରାଧା କୃଷ୍ଣ ଙ୍କ ମଦନ ମୋହନ ବିଜେ ସହ ଚନ୍ଦନ ଯାତ୍ରା ପାଳିତ ହେଉଛି।

ବଲାଙ୍ଗିର ରିଙ୍ଗରୋଡର କାର୍ଯ୍ୟ ଶେଷ ପର୍ଯ୍ୟାୟରେ ପହୁଁଛି ଅଛି ଏବଂ ଖୁବଶୀଘ୍ର ଏହା ଶେଷ ହେବ ବୋଲି ନେଇ ଜିଲ୍ଲାପାଳ ଚଂଚଳ ରାଣା ସୂଚନା ଏକ ଟ୍ୱିଟ ରେ ସୂଚନା ଦେଇଛନ୍ତି ।

ଆଜି ବଲାଙ୍ଗିର ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ, ଭାରପ୍ରାପ୍ତ ଆଂଚଳିକ ପରିବହନ ଅଧିକାରୀ ଶ୍ରୀ -ଲୋକନାଥ ମେହେରଙ୍କ ନେତୃତ୍ୱରେ
ବଲାଙ୍ଗିର-ଟିଟିଲାଗଡ଼ ରୋଡ଼ର ଆର ଟି ଓ ଅଫିସ ଛକ, ବିଜାଖମନ ଓ ସମ୍ବଲପୁର ରୋଡଠାରେ,ବଲାଙ୍ଗୀର ପୁଲିସ ସହାୟତାରେ   ହେଲମଟ ଚେକିଂ  କରାଯାଇ ୧୫୦ଜଣଙ୍କ ବିରୁଦ୍ଧରେ ବିନା ହେଲମେଟରେ ଚାଲାଣ କଟାଯାଇଥିଲା ଏବଂ ୨୫ ଜଣଙ୍କ ଡ୍ରାଇଭିଂ ଲାଇସେନ୍ସ ରଦ୍ଧ କରା ଯାଇଥିବା ବିଭାଗ ପକ୍ଷରୁ ସୂଚନା ମିଳିଛି ।