ପୁରୀ

ଆଜି ବିଶ୍ୱ ଯୋଗ ଦିବସ ଅବସରରେ ପୁରୀ ବେଳାଭୂମିରେ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକାକଳା ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ରମୋଦୀଙ୍କ ଫଟୋ ଆଙ୍କି ଶୁଭେଚ୍ଛା ଜଣାଇଛନ୍ତି ।

ଏହି ସ୍ଥାନରେ ଆଜି ସକାଳୁ ବହୁ ପର୍ଯ୍ୟଟକ ଯୋଗ ଅଭ୍ୟାସ କରୁଥିବା ମଧ୍ୟ ଦେଖିବାକୁ ମିଳିଛି ।

ବିଶ୍ୱ ଯୋଗ ଦିବସ ଉପଲକ୍ଷେ ବଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବିଶ୍ୱର ସବୁଠୁ ବଡ଼ ବାଲୁକା କଳା କରି ବିରଳ ରେକର୍ଡ଼ ସୃଷ୍ଟି କରିଛନ୍ତି ।

ଶ୍ରୀ ପଟ୍ଟନାୟକ ପ୍ରାୟ ୩୫ଶହ ବର୍ଗ ଫୁଟ ଜାଗାରେରେ ବିରାଟ ବାଲୁକା କଳା କରି ଶୁଭେଚ୍ଛା ଜଣାଇଛନ୍ତି ।

ଆଜି ଆନ୍ତର୍ଜାତିକ ଯୋଗ ଦିବସ ଅବସରରେ ପ୍ରମୁଖ ଐତିହ୍ୟସ୍ଥଳ କୋଣାର୍କରେ ଯୋଗ ଦିବସ ପାଳିତ ହୋଇଯାଇଛି ।

ଏଥରେ କେନ୍ଦ୍ର ରେଳ ମନ୍ତ୍ରୀ ଆଶ୍ୱିନୀ ବୈଷ୍ଣବ ଯୋଗଦେଇ ଆନୁଷ୍ଠାନିକ ଭାବେ ଯୋଗ ଦିବସର ଶୁଭାରମ୍ଭ କରିଥିଲେ ।

ପୁରୀ ତିନିରଥର ଅବଶିଷ୍ଠ ୧୨ ଗୋଟି ପୋଟଳ ନିର୍ମାଣ ଶେଷ ହେବା ସହ ତିନିରଥର ପାରା ଭାଡ଼ି ନିର୍ମାଣ ଶେଷ ହୋଇଅଛି।

ଏଥି ସହ ତିନିରଥର ବେଦି ସମୁଖ ଭାଗରେ
ତାଗ ବା ବଟନ ବାଡ଼ିଆ ଶେଷ ହୋଇଛି ।ଏହାପରେ ରଥ ତ୍ରୟର ବେଦି ଚାରି ପାର୍ଶ୍ୱରେ ପଟା ବାଡ଼ିଆଜିବ ।

ଆଞ୍ଚଳିକ ବନ ସଂରକ୍ଷକ ଓ ଡିଏଫ୍ଓ ସମେତ ୧୦ ଜଣିଆ ଟିମ ୩ ରଥର କାର୍ଯ୍ୟ ଓ ସ୍ଥିତି ଯାଞ୍ଚ କରିଛନ୍ତି।

୩ ରଥ ପାଇଁ ୨୯ ଖଣ୍ଡ କାଠ ଅଧିକ ଯୋଗାଯାଇଥିବା ସୂଚନା ମିଳିଛି।

ତିନିରଥର ତୃତୀୟ ଭୁଇଁ ସଂଯୋଗ ପରେ ବଡ ଧରା ପୋଟଳ ଉଠିବା ସହ ପ୍ରଥମ ଭୁଇଁରେ ବସିବା ପାଇଁ କନକ ମୁଣ୍ଡି ନିର୍ମାଣ ହୋଇ ବିନ୍ଧ ଖୋଦେଇ ଚାଲିଛି ଏବଂ ରଥ କନା କାର୍ଯ୍ୟ ଆରମ୍ଭ ହୋଇଛି ।

ତିନିରଥର ଦୁଆର ବେଢାରେ ଫିଟିଙ୍ଗ ହେବା ପାଇଁ ଗାରେଡି ସହ ମଗର ମୁଖ ପଟା ସଂଯୋଗ ହୋଇ ରହିଅଛି । ଏଥି ସହ ତିନିରଥର ଚକ, କୋଣ ଗୁଜ ଆଦିରେ ଧଳା ରଙ୍ଗର ଆସ୍ତରଣ ଦେବା ପରେ ରଙ୍ଗ କାର୍ଯ୍ୟ ଆରମ୍ଭ କରିବା ସହ ପାର୍ଶ୍ୱ ଦେବ ଦେବୀଙ୍କ ରଙ୍ଗ କାର୍ଯ୍ୟ ଜାରି ରହିଛି ।