ଢେଙ୍କାନାଳ

ଢେଙ୍କାନାଳ ଜିଲ୍ଲା ଗଁଦିଆ ବ୍ଲକ ଡିଜିଟାଲ ମିଡିଆ ଆସୋସିଏସନ ପକ୍ଷରୁ ଆଜି ଦ୍ୱିତୀୟ ବାର୍ଷିକ ଉତ୍ସବ ବିଧାରପୁର ମାୟାଧର ସ୍ମୃତି ସ୍ନାତକ ମହାବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି।

ଏହି ଅବସରରେ ଗଁଦିଆ ପ୍ରେସ କ୍ଲବ, ଭୁବନ ତୃପ୍ତି ପାଠାଗାର ମିଳିତ ସହଯୋଗରେ ଏକ ରକ୍ତଦାନ ଶିବିର ଆୟୋଜନ କରାଯାଇଥିଲା ।ମୁଖ୍ୟଅତିଥି ଭାବେ ବିଧାୟକ ସୁଧିର କୁମାର ସାମଲ ଯୋଗ ଦେଇଥିଲେ।

ଢେଙ୍କାନାଳ ଜିଲ୍ଲା ଭୁବନ ଥାନା ଅଧିକାରୀ ପ୍ରଶାନ୍ତ ପାତ୍ରଙ୍କର ବଦଳି ହୋଇଥିବା ବେଳେ ତାଙ୍କ ସ୍ଥାନରେ ଆଜି ସୌଭାଗ୍ଯ କୁମାର ସ୍ବାଇଁ ନୂତନ ଥାନାଧିକାରୀ ଭାବେ ଯୋଗଦାନ କରିଛନ୍ତି।

ଏହି ଅବସରରେ ଏସଡିପିଓ ରଞ୍ଜନ କୁମାର ଦେଙ୍କ ଉପସ୍ଥିତରେ କାର୍ଯ୍ୟଭାର ଅଧିଗ୍ରହଣ କରିଥିଲା ବେଳେ ନଗରପାଳ ତାଙ୍କୁ ସ୍ଵାଗତ ଜଣାଇଥିଲେ।

ଢେଙ୍କାନାଳ ଜିଲ୍ଲା ସଦର ବ୍ଲକ ଅନ୍ତର୍ଗତ ବମ୍ପା ଗ୍ରାମରେ ଆଜି ବଣୁଆ ହାତୀ ଉପଦ୍ରବ କରି ଗାଁରେ ପଶି ଅବନୀ କୁମାର ସାମଲଙ୍କ ଘର ଭାଙ୍ଗି ଦେଇଛି।

ଢେଙ୍କାନାଳ ସହରରେ ପାନୀୟଜଳ ଏକ ଉତ୍କଟ ସମସ୍ୟା ଓ ଦୀର୍ଘ ଦିନ ଧରି ପାନୀୟ ଜଳ ଯୋଗାଣ ବନ୍ଦ ଥିବା ପ୍ରତିବାଦରେ ଆଜି ସହରବାସୀ ଭାଗୀରଥି ସାଗର ସ୍ଥିତ ପମ୍ପ ହାଉସରେ ତାଲା ପକାଇ ଦେଇଥିଲେ ।

କିଛି ଅଞ୍ଚଳକୁ ଦୀର୍ଘ ଦିନ ଧରି ପାନୀୟ ଜଳଯୋଗାଣ ବନ୍ଦ ଥିବା ବେଳେ ଉପଭୋକ୍ତାଙ୍କ ନିକଟକୁ କିନ୍ତୁ ବିଲ୍ ଆସିବାର ମଧ୍ୟ ଅଭିଯୋଗ ହୋଇଛି ।

ଢେଙ୍କାନାଳ ଜିଲ୍ଲା ସଦରର ରଥଖଳାରେ ଆଜି ରଥ ଯାତ୍ରା ପ୍ରସ୍ତୁତି କାର୍ଯ୍ୟ ସମୀକ୍ଷା କରାଯାଇଛି।

ଜିଲ୍ଲାପାଳ ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମୀକ୍ଷା ବୈଠକରେ ଅପରାହ୍ନ ଗୋଟାଏ ୫ମିନିଟରେ ରଥଟଣା ଆରମ୍ଭ ହେବ ବୋଲି ସର୍ବ ସମ୍ମତି କ୍ରମେ ନିଷ୍ପତ୍ତି ନିଆଯାଇଥିଲା।

ଢେଙ୍କାନାଳ ଜିଲ୍ଲା ସଦରରେ ଥିବା ସିଦ୍ଧ ବଳରାମଜୀଉ ଆଜି ଭକ୍ତମାନଙ୍କୁ ନବଯୌବନ ବେଶରେ ଦର୍ଶନ ଦେଉଛନ୍ତି।

ପନ୍ଦର ଦିନର ଅଣସର ଶେଷ ପରେ ଭକ୍ତମାନେ ପ୍ରଭୁଙ୍କ ନବଯୌବନ ଦର୍ଶନ କରୁଛନ୍ତି।