କେନ୍ଦୁଝର

କେନ୍ଦୁଝର ଜିଲା ପାଟଣା ବ୍ଲକ ଚେମେଣା ଗ୍ରାମର ଆରାଧ୍ୟ ଦେବୀ ମା ସିନ୍ଦୂର ଗୌରୀଙ୍କ ପୀଠ ର ପୁନଃଉଦ୍ଧାର ତଥା ପ୍ରତିଷ୍ଠା ଦିବସ ଶୁକ୍ରବାର ରାତ୍ରି ଧୂମଧାମ ରେ ପାଳିତ ହୋଇଯାଇଛି l

ସ୍ଥାନୀୟ ପୋଖରୀ ରୁ ଘଟ ଆଣି ପୂଜକ ମହେଶ ଚାଟାର୍ଜି ଦ୍ୱାରା ପୂଜାର୍ଚନା କରାଯିବା ପରେ ନୂତନ ଘରେ ଠାକୁରାଣୀ ଙ୍କୁ ଦେହୁରୀ ନୀଳାମ୍ବର ନାଏକ ଙ୍କ ଦ୍ୱାରା ପୂଜା କରାଯାଇ ପ୍ରତିଷ୍ଠା କରାଯାଇଥିଲା l

କେନ୍ଦୁଝର ଜିଲ୍ଲା ପାଟଣା ବ୍ଲକ ପରିସରରେ ଶୁକ୍ରବାର ମିଶନ ଶକ୍ତି କାଫେ ଉଦଘାଟିତ ହୋଇ ଯାଇଛି।ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେପାଟଣା ବିଧାୟକ ଜଗନ୍ନାଥ ନାଏକ, ସମ୍ମାନିତ ଅତିଥି ଭାବେ ପି ଡି ଡୁ ଡା ଘାସିରାମ ମୁର୍ମୁ,ବିଡ଼ିଓ ଶିବଶଙ୍କର ମୁର୍ମୁ,ବ୍ଲକ ଅଧ୍ୟକ୍ଷା ସୁକାନ୍ତି ନାଏକ,ଉପାଧକ୍ଷା ବୀଣାପାଣି ନାୟକ,ବି ପି ଏମ ମନୋରରଞ୍ଜନ ମହାପାତ୍ର,ମିଶନସକ୍ତି ସଭାପତି ବିନ୍ଦୁ ମହାନ୍ତ, ସମ୍ପାଦକ ଜୁଲିରାଣୀ ମହାନ୍ତ ପ୍ରମୁଖ ଉପସ୍ଥିତ ଥିଲେ।

ଏହା ମହିଳା ଙ୍କୁ ସ୍ୱାବଲମ୍ବୀ କରିବାସହ ସୁଲଭ ମୁଲ୍ୟର ଜଳଖିଆ ,ନିରାମିଷ ଓ ଆମିଷ ଭୋଜନ ଲୋକ ଙ୍କୁ ଉପଲବ୍ଧ ହେବ।

କେନ୍ଦୁଝର ଜିଲା ପାଟଣା ବ୍ଲକ ସଭାଗୃହ ରେ ଶୁକ୍ରବାର ମହାତ୍ମା ଗାନ୍ଧୀ ଜାତୀୟ କର୍ମନିଯୁକ୍ତି ଯୋଜନା ୨୦ ୨୨ -୨୩ ଆର୍ଥିକ ବର୍ଷ ପାଇଁ ସମୀକ୍ଷା ଓ ଜନ ଶୁଣାଣି ଅନୁଷ୍ଠିତ ହୋଇଛି। ଏଥିରେବ୍ଲକ ରେ ମୋଟ ୧୨ ଲକ୍ଷ ୬ ହଜାର,୫୨୭ ଟି କର୍ମ ଦିବସ ସୃଷ୍ଟି ହୋଇଚ୍ଛି।

୧୭୪୮ଟି ପ୍ରକଳ୍ପ ସମ୍ପୂର୍ଣ୍ଣ ହୋଇଛି। ଶୁଣାଳୀ ପି ଡି ଡୁ ଡା ଘାଶିରାମ ମୁର୍ମୁ ଙ୍କ ଅଧକ୍ଷତା ରେ , ଜିଲା ସାମାଜିକ ସମୀକ୍ଷକ ଚନ୍ଦନ ଅମୃତାୟନ ଆଇଚ ,ବ୍ଲକ ଅଧକ୍ଷା ଶୁକାନ୍ତି ନାଏକ, ଉପାଧକ୍ଷା ବିଣା ପାଣି ନାୟକ, ଏ ପି ଓ ଦୀପକ ବେହେରା,ବ୍ଲକ ସାମାଜିକ ସମୀକ୍ଷକ କଳ୍ପନା ନାଏକ ପ୍ରମୁଖ ଉପସ୍ଥିତ ଥିଲେ ।

୬୬୨ବର୍ଗ ବେସରକାରୀ ଅଧ୍ୟାପକ କର୍ମଚାରୀ ସଂଘ ପକ୍ଷରୁ ଫେବୃୟାରୀ ମାସରୁ ଚାରିଦଫା ବିଭିନ୍ନ ଦାବିରେ ଭୁବନେଶ୍ୱରର ଲୋୟର ପିଏମଜି ଧାରଣାରେ ବସିଛନ୍ତି।

ସମାନ ଗ୍ରେଡପେକୁ ସମାନ ଦରମା,୨୦୦୮ ଜିଓରେ ଅନ୍ତର୍ଭୁକ୍ତ ଥିବା ସମସ୍ତ ଅଧ୍ୟାପକ ଓ କର୍ମଚାରୀଙ୍କୁ ପେନସନ ଓ ଅବସର କାଳୀନ ସୁବିଧା ବ୍ୟବସ୍ଥା ଯୋଗାଇଦେବା, ୨୦୧୮ ଗ୍ରଣ୍ଟ ଇନ ଏଡରେ ଅନ୍ତର୍ଭୁକ୍ତ ସମସ୍ତ କର୍ମଚାରୀଙ୍କୁ ୭ମବେତନ ଦରମା ପ୍ରଦାନ,୨୦୦୮ ଓ ୨୦୧୪ ଆଦେଶରେ ଥିବା ଅସଙ୍ଗତ ଦୁଇ କରିବା ଆଦି ଦାବି ରହିଛି। ସମାଧାନ ନହେଲେ ଆଗାମୀ ୨୦ତାରିଖରୁ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇ ଜିଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି।

କେନ୍ଦୁଝର ଜିଲ୍ଲା ପାଟଣା ବ୍ଲକ ଉପାନ୍ତ ଅଞ୍ଚଳ ଚିନାମାଳି ପଶି ପଂଚାୟତ ଗୋଧିରାମ ପଡା ଗ୍ରାମରେ ଶୋଇଥିବା ଅବସ୍ଥାରେ ସାପକାମୁଡାରେ ଜଣେ ୫୦ ବର୍ଷୀୟ ବୃଦ୍ଧଙ୍କ ମୃତ୍ୟୁ ହୋଇଛି।

ମୃତକ ଜଣକ ହେଉଛନ୍ତି ସିଙ୍ଗା ମୁଣ୍ଡା। ସୂଚନା ଅନୁସାରେ ମଙ୍ଗଳବାର ବିଳମ୍ବିତ ରାତିରେ ବୃଦ୍ଧ ଜଣଙ୍କ ଶୋଇଥିବା ଅବସ୍ଥାରେ ତାଙ୍କର ଡାହାଣ କାନରେ ଏକ ବିଷଧର ସର୍ପ କାମୁଡି ଦେଇଥିଲା। ଗୁରୁତର ଅବସ୍ଥାରେ ଆମ୍ବୁଲାନ୍ସ ସହାୟତା ରେ ପରିବାର ଲୋକେ ପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

କେନ୍ଦୁଝର ଜିଲ୍ଲା ଆନନ୍ଦପୁର ବନ ଖଣ୍ଡ ଅଧିନସ୍ଥ ଦଇତାରୀ ରେଞ୍ଜର ବ୍ରାହ୍ମଣୀପାଳ ନିକଟରେ ଏକ ହାତୀ ପଲ ଆଜି ଭୋର୍ ସକାଳେ ଯଖପୁରା – ବାଂଶପାଣି ରେଳ ଲାଇନ୍ ପାର ହେବ ସମୟରେ ଏକ ମାଲ୍ ବାହି ଟ୍ରେନ ଧକ୍କା ଦେବାରୁ ଦୁଇଟି ହାତୀର ଶୋଚନୀୟ ମୃତ୍ୟୁ ଘଟିଥିବା ବେଳେ ଅନ୍ୟ କେତେକ ହାତୀ ଆହତ ହୋଇଥିବା ଜଣାପଡ଼ିଛି।

ଡିଏଫଓ ଅଭୟ କୁମାର ଦଳେଇ ଓ ଅନ୍ୟ ବନ କର୍ମଚାରୀ ପହଞ୍ଚି ମୃତ ଦେହ ଉଦ୍ଧାର କରିବା ସହ କାରଣ ଯାଞ୍ଚ କରୁଛନ୍ତି।