କେନ୍ଦୁଝର

କେନ୍ଦୁଝରର ଉଦୀୟମାନ ଚେସ୍ ତାରକା ମାଷ୍ଟର ଆୟୁଷ୍ମାନ କେନ୍ଦୁଝର ଟାଉନ ହଲ ଠାରେ ଅନୁଷ୍ଠିତ ଜିଲ୍ଲା ସ୍ଥରୀୟ ଚେସ ଟୁର୍ଣ୍ଣାମେଣ୍ଟରେ ୧୩ ବର୍ଷରୁ କମ୍ ବିଭାଗରେ ଚମ୍ପିୟାନ ହୋଇ ରାଜ୍ୟ ସ୍ଥରୀୟ ଟୁର୍ଣ୍ଣାମେଣ୍ଟ ଖେଳିବା ପାଇଁ ଉତିର୍ଣ୍ଣ ହୋଇଛନ୍ତି।

ଏହି ପ୍ରତିଯୋଗିତାରେ ସମଗ୍ର ଜିଲ୍ଲାରୁ ସମୁଦାୟ ୫୬ ଜଣ ପ୍ରତିଯୋଗୀ ଭାଗ ନେଇଥିଲେ। ପିତା ମାତା, ଅଭିଭାବକ ତଥା ସମଗ୍ର ଜିଲ୍ଲାରେ ଖୁସିର ଲହରୀ ଖେଳି ଯାଇଛି। ପିଲାଦିନରୁ ଚେସ ଖେଳ ପ୍ରତି ଆଗ୍ରହ ଥିବା ବେଳେ ଭବିଷ୍ୟତ ରେ ରାଜ୍ୟପାଇଁ ଖେଳି ପାଇଁ ଲକ୍ଷ ରଖିଥିବା ତାଙ୍କ ବାପା ଦେବାଶିଶ ମିଶ୍ର କହିଛନ୍ତି।

ସ୍ଥାନୀୟ ଅତିରିକ୍ତ ଜିଲ୍ଲା ଜଜ ତଥା ସ୍ଵତନ୍ତ୍ର କୋର୍ଟ ଆଜି ଏକ ବଳାତ୍କାର ମାମଲାର ଶୁଣାଣି କରି ଗୋବିନ୍ଦ ସୋରେନ ନାମକ ଜଣେ ଅଭିଯୁକ୍ତକୁ ଦଶ ବର୍ଷ ଜେଲ ଦଣ୍ଡାଦେଶ କରିବା ସହ ପାଞ୍ଚ ହଜାର ଫାଇନ କରିଛନ୍ତି।

୨୦୧୭ ମସିହାରେ ବାମେବାରି ଥାନା ଅନ୍ତର୍ଗତ ଗଡତୁଆଁ ଗ୍ରାମରେ ଏହି ଘଟଣା ଘଟିଥିଲା । ସେତେବେଳ ଉଭୟ ଅଭିଯୁକ୍ତ ନାବାଳକ ଥିବା ବେଳେ ଏବେ ସାବାଳକ ହୋଇଛନ୍ତି। ପୀଡ଼ିତାଙ୍କୁ କ୍ଷତିପୂରଣ ବାବଦରେ ଚାରି ଲକ୍ଷ ଟଙ୍କା ଦେବାକୁ କୋର୍ଟ ଆଦେଶ କରିଥିବା ସ୍ଵତନ୍ତ୍ର ପିପି ଗଣେଶ ମହାପାତ୍ର କହିଛନ୍ତି।

ଆଜି ଦିନ ୧୧.୩୦ ସୁଦ୍ଧା କେନ୍ଦୁଝରରେ ୩୯.୬ ଡ଼ିଗ୍ରୀ ଦିନ ତାପମାତ୍ରା ରେକର୍ଡ ହୋଇଥିବା ଭୁବନେଶ୍ବରସ୍ଥିତ ଆଞ୍ଚଳିକ ପାଣିପାଗ ବିଭାଗ ସୂଚନା ଦେଇଛି।

କେନ୍ଦୁଝର ଜିଲ୍ଲାର ମିଠା କେନ୍ଦୁର ସ୍ଵାଦ ନିଆରା। ଏଣୁ ବନବାସୀମାନେ ବଣ ପାହାଡରୁ ସଂଗୃହିତ ଏହି କେନ୍ଦୁ ଆଣି ହାଟ ବଜାରରେ ବିକି ଦୁଇ ପଇସା ରୋଜଗାର କରି ସେଥିରେ ତେଲ ଲୁଣ ସଂସାର ଚଳାଇଥାନ୍ତି।

ଏହା ସବୁ ବୟସର ଲୋକଙ୍କ ପସନ୍ଦ। ପ୍ରାକୃତିକ ପରିବେଶରେ କେନ୍ଦୁ ଫଳୁ ଥିବାରୁ ଏହା ସ୍ବାସ୍ଥ୍ୟ ପକ୍ଷେ ହିତକର । ତେବେ ବିଭିନ୍ନ କାରଣରୁ ଜଙ୍ଗଲ କ୍ଷୟ ହେବାକୁ ବସିଥିବାରୁ ଶହଶହ ପରିବାରକୁ ଜୀବିକା ଦେଇ ଆସୁଥିବା ଏହି କେନ୍ଦୁ ଗଛର ସୁରକ୍ଷା ଦାବି ହେଉଛି।