ମୃତ ହାତୀ ଛୁଆ ଉଦ୍ଧାର

ଚମ୍ପୁଆ ରେଞ୍ଜ ଅଞ୍ଚଳ ଜଙ୍ଗଲରେ ଆଜି ଏକ ଛୁଆ ହାତୀ ର ମୃତ ଦେହ ବନ ବିଭାଗ ଉଦ୍ଧାର କରିଛି। ହାତୀ ଛୁଆ ଗତ କାଲି ଜନ୍ମ ହୋଇଥିଲା। ଯୋଡ଼ା ବିଟ ଡଡୁଆଁ ଗ୍ରାମ ନିକଟରେ ବୈତରଣୀ ବି ଜଙ୍ଗଲ ରାତି ପ୍ରାୟ ୮ ରୁ ୯ ଟାରେ ଜନ୍ମ ହୋଇଥିଲା । ହାତୀ ମାନଙ୍କ ଚିତ୍କାର ଶୁଣି ବନ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ମୃତ ହାତୀ ଛୁଆ କୁ ପାଇଥିଲେ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି। ଆଜି ସକାଳେ ହାତୀ ପଲ ପଳାଇଯାଇଥିଲେ ହେଁ ମା ହାତୀ ଓ ଅନ୍ୟ ଏକ ହାତୀ ମୃତ ଛୁଆକୁ ଦୀର୍ଘ ଘଣ୍ଟା ଧରି ଜଗି ରହିଥିଲେ। ପରେ ସେମାନେ ଯିବା ପରେ ବନ ବିଭାଗ ମୃତ ହାତୀ ଛୁଆକୁ ଉଦ୍ଧାର କରି ତଦନ୍ତ କରୁଛି।

ସିରିଜ ଦୁର୍ଘଟଣା, ଚାରି ଟ୍ରକ୍, ବହୁ ବାଇକ୍ ଚୁର କାର

ଆଜି ସକାଳେ ଡବ୍ଲ୍ୟୁ ବି ୫୭ଡି/୬୩୩୪ ନମ୍ୱର୍ କାଷ୍ଟ ଆଇରନ ବୋଝେଇ ଟ୍ରକ୍ ସମ୍ବଲପୁର ଆଡ଼ୁ କେନ୍ଦୁଝର ଦେଇ ଯାଉଥିବା ବେଳେ ବ୍ରେକ ଫେଲ୍ ହୋଇଯିବାରୁ ଅନ୍ୟ ତିନି ଟ୍ରକକୁ ଧକ୍କା ଦେଇ ରାସ୍ତା କଡକୁ ଓଲଟି ପଡିଥିଲା।ଟ୍ରକଟି ଏକାଧିକ ବାଇକ୍ ଉପରେ ଚଢ଼ି ଯିବାରୁ ଚୂର ମାର ହୋଇ ଯାଇଛି।

କେନ୍ଦୁଝର ସହର ଜୁଡିଆ ନିକଟରେ ଏହି ଦୁର୍ଘଟଣା ଘଟିଛି।କେହି ମୃତାହତ ହୋଇ ନ ଥିଲେହେଁ ବଡ଼ ଦୁର୍ଘଟଣାରୁ ବର୍ତ୍ତି ଯାଇଛି। ସହରରେ ଭାରି ଯାନ ଚଳାଚଳ ଉପରେ କଟକଣା ଥିଲେ ମଧ୍ୟ ଉପଯୁକ୍ତ ତଦାରଖ ଅଭାବରୁ ଏଭଳି ଦୁର୍ଘଟଣା ପ୍ରଶାସନର ଅବହେଳାକୁ ଦାୟi କରିଛନ୍ତି।ରାସ୍ତାରେ କିଛି ସମୟ ଯାତାୟତ ଠପ ହୋଇଥିଲା।

ବିନୋଦ ନାଏକ ହେଲେ ଆଦିବାସୀ କଂଗ୍ରେସର ଜ଼ିଲ୍ଲା ଅଧକ୍ଷ

ବରିଷ୍ଠ ଆଦିବାସୀ କଂଗ୍ରେସ ନେତା ଇଂ ବିନୋଦ ବିହାରୀ ନାଏକ ଜ଼ିଲ୍ଲା କଂଗ୍ରେସ ଆଦିବାସୀ ବିଭାଗର ଅଧକ୍ଷ ଭାବେ ମନୋନୀତ ହେଇଛନ୍ତି l ତାଙ୍କୁ ଓଡିଶା ପ୍ରଦେଶ ଆଦିବାସୀ କଂଗ୍ରେସ କମିଟି ସଭାପତି ତଥା ପୂର୍ବତନ ସାଂସଦ ଜୟରାମ ପାଙ୍ଗିଙ୍କ ସୁପାରିଶକ୍ରମେ ଏଆଇସିସି ଏହି ନିଯୁକ୍ତି ଦେଇଛି lଶ୍ରୀନାଏକ ପୂର୍ବରୁ ଓଡିଶା ପ୍ରଦେଶ କଂଗ୍ରେସ ସାମାଜିକ ଗଣମାଧ୍ୟମ ଉପସଭାପତି ଏବଂ ଜ଼ିଲ୍ଲା କଂଗ୍ରେସ କମିଟିର ପୂର୍ବତନ ଉପସଭାପତି ଥିଲେ l୨୦୧୯ ସାଧାରଣ ନିର୍ବାଚନରେ ପାଟଣା ବିଧାନସଭା ନିର୍ବାଚନମଣ୍ଡଳୀରୁ କଂଗ୍ରେସ ବିଧାୟକ ପ୍ରାର୍ଥୀ ଥିଲେ।

ବିଳମ୍ୱରେ ଛାଡିଲା କେନ୍ଦୁଝର ଖୋର୍ଦ୍ଧା ମେମୁ ଟ୍ରେନ

ରବିବାର ଦିନ କେନ୍ଦୁଝର ରୁ ଖୋର୍ଦ୍ଧା ଅଭିମୁଖେ ଯାଉଥିବା ଯାତ୍ରୀବାହୀ ମେମୁ ଟ୍ରେନ ର ଇଞ୍ଜିନ ରେ ତୃଟି ଯୋଗୁଁ ପ୍ରାୟ ଦେଢ ଘଣ୍ଟା ବିଳମ୍ବ ରେ ଷ୍ଟେସନ ଛାଡିଲା ଟ୍ରେନ । ଆଜି ସକାଳ ୬.୩୦ ରେ ଟ୍ରେନ ଟି ଯିବା ପାଇଁ ପ୍ରସ୍ତୁତ ହେଉଥିବା ବେଳେ ଇଞ୍ଜିନ ଟିରେ ତ୍ରୁଟି ଯୋଗୁଁ ଷ୍ଟାଟ ହୋଇ ନ ଥିଲା ।
ଅନେକ ଚେଷ୍ଟା କରି ମଧ୍ୟ ଟ୍ରେନ ଚାଳକ ଇଞ୍ଜିନ ଷ୍ଟାଟ କରି ପାରିଲେ ନାହିଁ। ଏଣେ ବିଭିନ୍ନ ଗୁରୁତ୍ଵ ପୂର୍ଣ୍ଣ କାମରେ ବାହାରିଥିବା ଯାତ୍ରୀ ମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା।ଶେଷରେ ଷ୍ଟେସନ କର୍ତୁପକ୍ଷ ଏକ ଇଞ୍ଜିନ ମଗାଇ ଟ୍ରେନରେ ସଂଯୋଗ କରିବା ପରେ ଚାଲିଥିଲା।

ଦୋକାନ ଘରକୁ ମାଡ଼ିଗଲା ବାଲି ବୋଝେଇ ହାଇୱା

ଆନନ୍ଦପୁର ନନ୍ଦିପଦା ଥାନା ଚଣ୍ଡିବିରଞ୍ଚିପୁର ଛକରେ ୩ଟି ଦୋକାନକୁ ମାଡ଼ିଗଲା ହାଇୱା।

ଦୋକାନ ଭାଙ୍ଗିଯିବା ସହ ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି।ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଦୋକାନୀ। ଟ୍ରକ୍‌ ଡ୍ରାଇଭର ଫେରାର ହୋଇଯାଇଛି।

ପ୍ରଥମ ବିଶ୍ଵ ଓଡ଼ିଆ ଭାଷା ସମ୍ମିଳନୀରେ ସ୍ତମ୍ଭକାର ବୀରକିଶୋରଙ୍କୁ ସମ୍ବର୍ଦ୍ଧିତ

କେନ୍ଦୁଝର ଜିଲ୍ଲା ପାଟଣା ବ୍ଲକ ସ୍ତରୀୟ ପ୍ରଥମ ବିଶ୍ଵ ଓଡ଼ିଆ ଭାଷା ସମ୍ମିଳନୀରେ ସ୍ତମ୍ଭକାର ବୀର କିଶୋର ଦାଶ, କବି ଭରତଚନ୍ଦ୍ର ସାହୁ, କୈଳାଶ ଚନ୍ଦ୍ର ବାରିକ, ସନାତନ ଦାଶ ଓ ଶାନ୍ତନୁ କୁମାର ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା।

କବି ତଥା ପାଟଣା ଏବିଡିଓ ଚିତ୍ତରଞ୍ଜନ ନାୟକଙ୍କ ସଂଯୋଜନାରେ ମୁଖ୍ୟ ଅତିଥି ଭାବେ କବି ପିନାକୀ ମିଶ୍ର, ମୁଖ୍ୟବକ୍ତା ଭାବେ ନାରୀ କବି ଇନ୍ଦୁମତି ପାତ୍ର, ସମ୍ମାନିତ ଅତିଥି ଭାବେ କବି ଭରତ ଚନ୍ଦ୍ର ସାହୁ, ପାର୍ଥ ସାରଥୀ ବେଜ୍, ଯନ୍ତ୍ରୀ ସିଦ୍ଧ ମାଝୀ, ଜିପିଓ ରଶ୍ମୀ ରେଖା ମହାନ୍ତି ପ୍ରମୁଖ ଯୋଗ ଦେଇଥିଲେ ।

ବାଇକ୍ ଓ ଅଟୋ ମୁହାମୁହିଁ ଧକ୍କା, ଜଣେ ମୃତ

କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ -ବରାହାଟିପୁରା ରୋଡ଼ର ଲଙ୍ଗଳକଣ୍ଟି ଗ୍ରାମ ନିକଟରେ ଏକ ଡାଲା ଅଟୋ ସହିତ ବାଇକ ଧକ୍କା ହେବା ଫଳରେ ବାଇକରେ ବସିଥିବା ଜଣେ ଆରୋହୀଙ୍କ ମୃତ୍ୟୁ ଘଟିଛି।

ଅନ୍ୟ ଜଣେ ଏବଂ ଅଟୋ ଚାଳକ ଆହତ ହୋଇ ଚିକିତ୍ସାଧୀନ ଅଛନ୍ତି। ଦୁର୍ଘଟଣା ପରେ ଅଟୋଟି ରାସ୍ତା ତଳକୁ ଓଲଟି ଯାଇଥିବା ବେଳେ ବାଇକ୍ ଟି ଚୁର ମାର ହୋଇ ଯାଇଛି।

ଗ୍ରୀଲ ତାଡ଼ି ଦୁର୍ବୃତ୍ତ ଚୋରି କରି ନେଲେ ସୁନା ଗହଣା

କେନ୍ଦୁଝର ଜିଲ୍ଲା ପାଟଣା ଥାନା ମୁଖ୍ୟାଳୟ ସଅଁରାପଶି ଗ୍ରାମର ମଧୁସୁଡ଼ାନ ମହାନ୍ତଙ୍କ ଘର ଗ୍ରିଲ୍ ଓ କବାଟ ତାଡ଼ି ବୁଧବାର ରାତ୍ରି ଆଲମୀରାରୁ ସୁନା ଗହଣା ସହିତ ଦୁର୍ବୃତ୍ତ ଟଙ୍କା ଚୋରୀ କରିନେଇଛନ୍ତି।

୨ହଳ ସୁନା କାନ ଫୁଲ ସହ ନଗଦ ୫ହଜାର ଟଙ୍କା ନେଇଥିବା ଜଣାପଡ଼ିଛି। ସୂଚନା ଯେ, ମଧୁସୁଦନଙ୍କ ପରିବାର ଠାକୁର୍ ମୁଣ୍ଡାକୁ ଏକ ଶୁଦ୍ଧକ୍ରିୟାରେ ଯୋଗ ଦେବାକୁ ଯାଇଥିବା ବେଳେ ଏହି ଚୋରି ଘଟିଛି।

ଚଳନ୍ତା ବସ ରୁ ଖସି ଯାତ୍ରୀ ଗୁରୁତର

କେନ୍ଦୁଝର ଜିଲା ପାଟଣା ବ୍ଲକ ଖୀରେଇଟାଙ୍ଗିରି ଦେଇ ଯାଇଥିବା ୪୯ ନମ୍ୱର୍ ଜାତୀୟ ରାଜପଥ ଖୀରେଇଟାଙ୍ଗିରି ଶାଳ ଜଙ୍ଗଲ ନିକଟରେ ବୁଧବାର ଅପରାହ୍ନ ରେ ଏକ ଯାତ୍ରୀ ବାହୀ ଚଳନ୍ତା ବସ ରୁ ଜଣେ ବ୍ୟକ୍ତି ଖସି ପଡ଼ି ଗୁରୁତର ହୋଇଛନ୍ତି। ଗୁରୁତର ହୋଇଥିବା ବ୍ୟକ୍ତି ଜଣକ ହେଉଛନ୍ତି ରାଇସୁଆଁ ଥାନା ଶଙ୍କରପୁର ଗ୍ରାମ ର ଅନିଲ କୁମାର ବାରିକ (୪୦)।ତାଙ୍କୁ ଏନ୍ ଏଚ ଆଇ ଆମ୍ବୁଲାନ୍ସ ଯୋଗେ ଜିଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି ।ଦୁର୍ଘଟଣା ପରେ ବସ ଫେରାର ଅଛି। ମା ବାସନ୍ତୀ ନାମକ ଘରୋଇ ବସ ଟି କେନ୍ଦୁଝର ରୁ ରାଇରଙ୍ଗପୁର ଯାଉଥିଲା

ବିପୁଳ ପରିମାଣର ବିଦେଶୀ ମଦ ସହ କାର ଜବତ, ଜଣେ ଗିରଫ

କେନ୍ଦୁଝର ଜିଲ୍ଲା ପାଟଣା ଅବକାରୀ ବିଭାଗ ତରଫରୁ ମଙ୍ଗଳବାର ଚଢ଼ାଉ କରି ପାଟଣା ଥାନା ଅନ୍ତର୍ଗତ ହାଣ୍ଡିଆସିଲ ରାସ୍ତା ନିକଟରୁ କାର ଭିତରୁ ବିପୁଳ ପରିମାଣର ବିଦେଶୀ ମଦ ସହ କାରକୁ ଜବତ ଅବକାରୀ ବିଭାଗ।

ବେଆଇନ ମଦ ବ୍ୟବସାୟରେ ସଂପୃକ୍ତି ଅଭିଯୋଗ ରେ ଜଣେ ବ୍ୟକ୍ତିଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ବ୍ୟକ୍ତି ଜଣକ ହେଉଛନ୍ତି ସାହାରପଡ଼ା ବ୍ଲକ୍ ହାଣ୍ଡିଆସିଲ ଗ୍ରାମର ରାଜେନ୍ଦ୍ର ମଣ୍ଡଳ । କାର ଭିତରୁ ୧୬ଲିଟରରୁ ଉର୍ଦ୍ଧ୍ବ ବିଦେଶୀ ମଦ କୁ ଅବକାରୀ ପୁଲିସ ଜବତ କରିଛି । ଏହି ଚଢାଉ ଅବକାରୀ ଅଧିକାରୀ ପ୍ରିୟମ୍ୱିତା ଓଝାଙ୍କ ନେତୃତ୍ୱରେ ହୋଇଥିଲା ।

Nuakhai wishes