Odisha Local

ସୋନପୁର ନେହେରୁ ଯୁବକେନ୍ଦ୍ର ତରଫରୁ ଶୁକ୍ରବାର ବଡ଼ଖମାର ସ୍ଥିତ ବରାହପଦର ମଠ ଠାରେ ବୃଦ୍ଧବୃଦ୍ଧାମାନଙ୍କୁ ନିଜ ଶରୀର ଯତ୍ନ ନେବା ପାଇଁ ପରାମର୍ଶ ଦିଆଯାଇଥିଲା ।

ଏହି କାର୍ଯ୍ୟକ୍ରମରେ ଜଟେସିଂହା ସରପଞ୍ଚ ସୁନିତା ପଧାନ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଅନ୍ୟତମ ଅତିଥି ଭାବରେ ସମାଜସେବି ବିନୁ ପଧାନ, ଲାଲବାହାଦୁର ଯୁବକ ସଂଘ ସଭାପତି ଅମ୍ବରିଶ ବାରିକ ପ୍ରମୁଖ ଉପସ୍ଥିତ ଥିଲେ । ଶେଷରେ ଖାଇବା ପାଇଁ ଥାଳି ତଥା ଫଳ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା । ଆଶିଷ ସାହୁ ଧନ୍ୟବାଦ ଅର୍ପଣ କରିଥିଲେ ।

ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର କଲ୍ୟାଣ ମଣ୍ଡପ ଠାରେ ଶୁକ୍ରବାର ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ତରଫରୁ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି ।

ଏଥିରେ ୩୧ ଜଣ ଶ୍ରବଣ ବାଧିତ, ୬୯ ଶାରୀରିକ ବିକଳାଙ୍ଗ, ୧୫ ଜଣ ଦୃଷ୍ଟି ବାଧିତ, ୩ ସିକିଲ ସେଲ୍, ୨୫ ଜଣଙ୍କ ଠାରେ ବୌଦ୍ଧିକ ଅକ୍ଷମତା ଚିହ୍ନଟ କରାଯାଇଥିଲା ।

ଆଜି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସରପଞ୍ଚ ସଙ୍ଘର ସାଧାରଣ ବୈଠକ ସ୍ଥାନୀୟ ଜଳସେଚନ ବିଭାଗ ବଙ୍ଗଳା ଠାରେ ଅନୁଷ୍ଠିତ ହୋଇଯାଇଛି ।

ବ୍ଲକ ସଭାନେତ୍ରୀ ତଥା ଉଫୁଲା ସରପଞ୍ଚ ଶ୍ରୀୟା କର୍ମୀ ଏଥିରେ ଅଧ୍ୟକ୍ଷତା କରିଥିଲେ । ଏଥିରେ କେନ୍ଦ୍ରୀୟ ଅର୍ଥ ଆୟୋଗ, ରାଜ୍ୟ ଅର୍ଥ ଆୟୋଗ, ସ୍ୱଚ୍ଛ ଭାରତ ମିଶନ (ପରିମଳ), ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଓ ଅନ୍ୟାନ୍ୟ ଅନୁଦାନ ପ୍ରଦାନରେ ବ୍ଲକ ପ୍ରଶାସନ ଦ୍ବାରା ପାତରଅନ୍ତର ନୀତି ଓ ଅନୈତିକ ପ୍ରକ୍ରିୟା ଅବଲମ୍ବନ କରାଯାଉଥିବା ପାତରଅନ୍ତର ନୀତି ଓ ଅନୈତିକ ପ୍ରକ୍ରିୟା ଅବଲମ୍ବନ କରାଯାଉଥିବା ସମ୍ପର୍କରେ ଅଭିଯୋଗ ହେବା ସହ ଏ ନେଇ ବ୍ଲକ ପ୍ରଶାସନ ଓ ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରିବାକୁ ପ୍ରସ୍ତାବ ଗ୍ରହଣ କରାଯାଇଥିଲା ।

ସାନଝିଙ୍କି ସ୍ଥିତ ମହିମା ଆନନ୍ଦ ବରିଷ୍ଠ ନାଗରୀକ ନିବାସରେ ସୁବର୍ଣ୍ଣପୁର ଜିଲ୍ଲା ସ୍ଵାସ୍ଥ୍ୟ ସମିତି ତରଫରୁ ଏକ ସ୍ଵାସ୍ଥ୍ୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଅତିରିକ୍ତ ଜିଲ୍ଲା ଜନସ୍ଵାସ୍ଥ୍ୟ ଅଧିକାରୀ (ଯକ୍ଷ୍ମା) ଡାକ୍ତର ପଦ୍ମହଂସା ଦୋରାଙ୍କ ଅଧ୍ୟକ୍ଷତାରେ ଏହି ଅବସରରେ ଅନୁଷ୍ଠିତ ସଭାରେ ଅତିରିକ୍ତ ଜିଲ୍ଲା ଜନସ୍ଵାସ୍ଥ୍ୟ ଅଧିକାରୀ(ରୋଗ ନିୟନ୍ତ୍ରଣ) ଡାକ୍ତର ରମେଶ ଚନ୍ଦ୍ର ସ୍ଵାଇଁ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ।