କେନ୍ଦୁଝର ସଦର ବ୍ଲକ ବାଉରୀପଦାପଞ୍ଚାୟତ ବନମାଳୀପୁର ଗ୍ରାମର ନିତ୍ୟାନନ୍ଦ ମହାନ୍ତଙ୍କ ଘର ଲଗାଣ ବର୍ଷା ଯୋଗୁଁ ଘର କାନ୍ଥ ପଡିଯାଇଛି।

ଫଳରେ କାନ୍ଥପଡି ଅନେକ ଜିନିଷ ପତ୍ର କାନ୍ଥ ତଳେ ଚାପି ହୋଇ ନଷ୍ଟ ହୋଇଯାଇଥିବାବେଳେ ପରିବାର ଲୋକେ ଅଳ୍ପକେ ବର୍ତ୍ତିଯାଇଛନ୍ତି।

କେନ୍ଦୁଝର ସଦର ବ୍ଲକ ଅନ୍ତର୍ଗତ ମହାଦେଇଯୋଡା ପଞ୍ଚାୟତ ଟିକରପଡା ଗ୍ରାମର ବେହେରା ସାହିରେ ବିଳମ୍ବିତ ରାତ୍ର ପ୍ରାୟ ୩ଟାବେଳେ ଲଗାଣ ବର୍ଷାରେ ମାଟି ଘରକାନ୍ଥ ପଡ଼ିଯିବାରୁ ଘର ଭିତରେ ଶୋଇଥିବା ଦୂତିକା ବେହେରା(୭୦)ଙ୍କ ମୃତ୍ୟୁ ଘଟିଥିବାବେଳେ ସ୍ବାମୀ କୁଲ୍ଲିଆ ବେହେରା(୭୫) ଗୁରୁତର ହୋଇଛନ୍ତି।

କୁଲ୍ଲିଆଙ୍କୁ ତୁରନ୍ତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।ଏହି ଘଟଣା ନେଇ ଟିକରପଡା ଗ୍ରାମରେ ଶୋକର ଛାୟା ଖେଳିଯାଇଛି।ଜିଲ୍ଲା ପ୍ରଶାସନ ତୁରନ୍ତ ପରିବାର କୁ ସରକାରୀ ସହାୟତା ଯୋଗାଇ ଦେବାକୁ ଦାବି ଗ୍ରାମବାସୀ ଦାବି କରିଛନ୍ତି।

ଆସନ୍ତା କାଲି ଲଘୁ ଚାପ୍ ଜନିତ ପ୍ରବଳ ବର୍ଷା ହେବା ସମ୍ଭାବନା ଥିବାରୁ ରେଡ ୱାର୍ଣିଁ ଜାରି କରାଯାଇଛି। ଏସ ଆର ସି ଙ୍କ ଆଦେଶ କ୍ରମେ କେନ୍ଦୁଝର ଜିଲ୍ଲାର ସମସ୍ତ ସରକାରୀ ଓ ଘରୋଇ ସ୍କଲ ବନ୍ଦ ରହିବ। ଜିଲା ଶିକ୍ଷା ଅଧିକାରୀ ଙ୍କ ଚିଠି ନମ୍ବର ୧୦୧୦୪/୧୯-୮-୨୨ ରେ ଏହି ଆଦେଶ କରାଯାଇଛି।