Odisha

ମୟୁରଭଞ୍ଜ ମୁକ୍ତି ମୋର୍ଚ୍ଚା ସଂଗଠନର ଏକ ପ୍ରତିନିଧି ଦଳ ସମବାୟ ସମିତି ସମୁହ ଉପ- ନିବନ୍ଧକ କୃଷ୍ଣଚନ୍ଦ୍ର ଦାସଙ୍କୁ ଭେଟି ଚାଷୀଙ୍କ ପଞ୍ଜିକରଣ ବାବଦରେ ଦାବି ପତ୍ର ପ୍ରଦାନ କରାଯାଇଛି।

ଦାବି ମୁତାବକ ଜିଲ୍ଲାରେ ସାନ୍ତାଳ ଜାତିର ଲୋକଙ୍କ ଜମିପଟ୍ଟାରେ ପୂର୍ବ ପୁରୁଷଙ୍କ ନାମରେ କୁଳନାମ ରହିଛି। ଯାହାକୁ ନେଇ ସମସ୍ୟା ଉପୁଜିଥିବା ବେଳେ ଲ୍ୟାମ୍ପସ ମାନଙ୍କରେ ସେହି ଜମିପଟ୍ଟା ଗ୍ରହଣ କରୁନାହାନ୍ତି। ଚାଷୀମାନେ ପଞ୍ଜିକରଣରୁ ବଞ୍ଚିତ ହେଉଥିବା ଚାଷୀଙ୍କୁ ପଞ୍ଜିକରଣ ଶେଷ ତାରିଖ ଅଗଷ୍ଟ ୧୫ ପର୍ଯ୍ୟନ୍ତ ଆବେଦନ ଫର୍ମ ପ୍ରଦାନ କରାଯାଉ ବୋଲି ଦାବି ଜଣାଯାଇଛି।

ମୟୁରଭଞ୍ଜ ଜିଲ୍ଲାର ଅନ୍ୟତମ ସାମାଜିକ ସଂଗଠନ ‘ସେବା ଟ୍ରଷ୍ଟ’ ସଂଗଠନର ତୃତୀୟ ଗୁରୁତ୍ବପୂର୍ଣ୍ଣ ବୈଠକ ସ୍ଥାନୀୟ ରୋଟାରି କ୍ଲବ ସଭାଗୃହରେ ଆୟୋଜିତ ହୋଇଛି।

ବୃକ୍ଷରୋପଣ ସମେତ ଅଧିକରୁ ଅଧିକ ସମାଜ ସେବା କରିହେବ ସେ ନେଇ ବିସ୍ତୃତ ଭାବେ ଆଲୋଚନା ହୋଇଥିଲା।

ମୟୁରଭଞ୍ଜ ଜିଲ୍ଲା ବାରିପଦାର ଶହୀଦ ସ୍ମୃତି ଭବନ ଠାରେ ବିଜୁଳି ମହୋତ୍ସବ ଅନୁଷ୍ଠିତ ହୋଇଛି।

ଭାରତର ସ୍ଵାଧୀନତାର ୭୫ ବର୍ଷ ଅବସରରେ ଆଜାଦି କି ଅମୃତ ମହୋତ୍ସବ ପରିପେକ୍ଷୀରେ ବାରିପଦା ପୋୖରାପାଳିକା ଠାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ହାଁସଦା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଯୋଗ ଦେଇଛନ୍ତି ପୌରପାଳିକାର ନଗରପାଳ କୃଷ୍ଣାନନ୍ଦ ମହାନ୍ତି। ଆଗାମୀ ୨୦୪୭ସୁଦ୍ଧା ସବୁ ଘରକୁ ବିଜୁଳି ସଂଯୋଗୀକରଣର ଲକ୍ଷ୍ୟ ନେଇ ଶକ୍ତି ବିଭାଗ ପକ୍ଷରୁ କାର୍ଯ୍ୟ ଜାରି ଥିବା କୁହାଯାଇଛି। ବିଦ୍ୟୁତ ଶକ୍ତିକୁ ଭବିଷ୍ୟତ ପିଢ଼ି ପାଇଁ ସଞ୍ଚୟ ପାଇଁ ମଧ୍ୟ କୁହାଯାଇଛି।