କେନ୍ଦ୍ରାପଡା ଜିଲ୍ଲା ରାଜକନିକା ବ୍ଲକ ଡଙ୍କାରୀ ଗାଁର ସୁଲୋଚନା ଦାସ ଭଳିକି ଭଳି ଫଳଗଛ ସହିତ ପରିବା ସାଙ୍ଗକୁ ମାଛ ଓ କୁକୁଡ଼ା ଚାଷ କରି ସ୍ୱାବଲମ୍ବୀ ହୋଇପାରିଛନ୍ତି ।
ସ୍ୱାମୀ ମନୋରଞ୍ଜନ ଦାସ ସରକାରୀ ଚାକିରି କରି ବାହାରର ରାହୁଥିବାରୁ ପଡିଆ ପଡିଥିବା ତାଙ୍କର ଦୁଇ ଏକର ଜମିରେ ସୁଲୋଚନା କିଛି ଚାଷ କରିବାକୁ ମନ ବଳାଇଥିଲେ ଏବଂ ପୋଖରୀ ଖୋଳି ମାଛ ଚାଷ ସହିତ ବିଭିନ୍ନ ପ୍ରକାର ପରିବା ଓ ଫଳ ଗଛ ଲଗାଇଥିଲେ ।ସେ ପ୍ରତିଦିନ ବଗିଚାରେ ସକାଳୁ ଏକ ଘଣ୍ଟା ଓ ଚାରିଟା ବେଳେ ୩ଘଣ୍ଟା କାମ କରନ୍ତି ।