ପଞ୍ଚଲିଙ୍ଗେଶ୍ୱର ମନ୍ଦିର ଦାନବାକ୍ସରୁ ଚୋରି ଅଭିଯୋଗ

ବାଲେଶ୍ଵର ଜିଲ୍ଲା ନୀଳଗିରିର ପ୍ରସିଦ୍ଧ ପଞ୍ଚଲିଙ୍ଗେଶ୍ୱର ମନ୍ଦିର ଦାନବାକ୍ସରୁ ଚୋରି ହୋଇଥିବା ଅଭିଯୋଗ ହୋଇଛି।

ବିଳମ୍ବିତ ରାତିରେ ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ନେଇଯାଇଥିବା ଅଭିଯୋଗ ହୋଇଛି।

ପ୍ରସୂତି ମୃତ୍ୟୁ ଘଟଣାର ତଦନ୍ତ ନିର୍ଦ୍ଦେଶ ଦେଲେ ଜିଲ୍ଲାପାଳ

ବାଲେଶ୍ୱର ଜିଲ୍ଲା ମେଡିକାଲରେ ପ୍ରସବ ପରେ ପ୍ରସୂତିଙ୍କ ମୃତ୍ୟୁ ନେଇ ପରିବାର ଲୋକ ଚିକିତ୍ସା ଅବହେଳା ଅଭିଯୋଗ ଆଣିଥିଲେ।

ଏ ନେଇ ପରିବାର ଲୋକ ଜିଲ୍ଲାପାଳଙ୍କୁ ଜଣାଇବା ପରେ ଜିଲ୍ଲାପାଳ ସିଡିଏମ୍ଓଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି। ତଦନ୍ତ କରି ତୁରନ୍ତ ରିପୋର୍ଟ କରିବାକୁ ଜିଲ୍ଲାପାଳ କହିଛନ୍ତି।

୨୪ ଲକ୍ଷର ବ୍ରାଉନସୁଗର ଜବତ

ବାଲେଶ୍ଵର ଜିଲ୍ଲା ନୀଳଗିରିbସନ୍ତରାଗଡ଼ିଆ ଅଞ୍ଚଳରୁ ୨୪୨ ଗ୍ରାମ ବ୍ରାଉନସୁଗର ଜବତ ସହ ଜଣେ ବେପାରୀକୁ ଗିରଫ କରିଛି ପୁଲିସ।

ଜବତ ବ୍ରାଉନସୁଗର ମୂଲ୍ୟ ୨୪ ଲକ୍ଷରୁ ଅଧିକ ହେବ ।

ଜିଲ୍ଲା ପରିଷଦ କାର୍ଯ୍ୟାଳୟରେ ଡ୍ରେନେଜ ବିଭାଗର ଆଲୋଚନା ବୈଠକ

ଆଜି ବାଲେଶ୍ଵର ଜିଲ୍ଲାପରିଷଦ ସମ୍ମିଳନୀ କକ୍ଷରେ ଡ୍ରେନେଜ ବିଭାଗର କାର୍ଯ୍ୟ ସମ୍ପର୍କିତ ଏକ ଆଲୋଚନା ବୈଠକ ଅନୁଷ୍ଠିତ ହୋଇଯାଇଛି।

ଏହି ଅବସରରେ ଜିଲ୍ଲା ପରିଷଦ ସଭାପତି,ଉପସଭାପତି, ସମସ୍ତ ବ୍ଲକ୍ ଅଧ୍ୟକ୍ଷ ଏବଂ ବିଭାଗୀୟ ଅଧିକାରୀ ଉପସ୍ଥିତ ରହିଥିଲେ।ଆଗାମୀ ଦିନରେ ଜଳ ନିଷ୍କାସନ ତଥା ଡ୍ରେନେଜ ମରାମତି ସମ୍ପର୍କିତ ଆଲୋଚନା ହୋଇଥିଲା।

ଯୁବକଙ୍କୁ କଚାଡ଼ି ମାରିଲା ହାତୀ

ବାଲେଶ୍ଵର ଜିଲ୍ଲା ସୋର ଷୋଳଭଉଣୀ ଡ୍ୟାମରେ ଜଣେ ଯୁବକଙ୍କୁ ହାତୀ କଚାଡ଼ି ମାରି ଦେଇଥିବା ଅଭିଯୋଗ ହୋଇଛି।

ମୃତ ଯୁବକ ଔପଦା ଥାନା ପାଇକପଡା ଗାଁର ହୋଇଥିବା ସୂଚନା ମିଳିଛି।

ଦୁଇଟି କାର୍ ଓ ତେଲ ଟ୍ୟାଙ୍କର ମଧ୍ୟରେ ଦୁର୍ଘଟଣା, ୩ ମୃତ

ବାଲେଶ୍ଵର ଜିଲ୍ଲା ସିମୁଳିଆ ଥାନା ଜାମୁଝାଡ଼ି ତାରିଣୀ ଛକ ନିକଟରେ ଗାଡ଼ି ପଛକୁ ପଛ ପିଟି ହୋଇ ଦୁର୍ଘଟଣା ଘଟିଛି।

ଘଟଣାସ୍ଥଳରେ କାର୍ ଡ୍ରାଇଭର ସମେତ ୩ ଜଣଙ୍କ ମୃତ୍ୟୁ ଘଟିଛି ଆଉ ୪ ଜଣ ଗୁରୁତର ହୋଇଛନ୍ତି।

ଖନ୍ତାପଡା ଥାନା ନିକଟରେ ଯୁବକଙ୍କ ରକ୍ତାକ୍ତ ମୃତଦେହ ଠାବ

ମୃତକ ଯୁବକ ଜଣକ ବାଲେଶ୍ୱର ଜିଲ୍ଲା ଖନ୍ତାପଡାର ହୋଇଥିବା ବେଳେ ପୂର୍ବ ଶତ୍ରୁତାରୁ ହତ୍ୟା କରାଯାଇଥିବା ପରିବାର ଲୋକ ଅଭିଯୋଗ କରିଛନ୍ତି।

ଆଠ ଦିନ ତଳେ ଗାଁର ୪ ଜଣ ଯୁବକଙ୍କ ସହ ତାଙ୍କର ଗଣ୍ଡଗୋଳ ହୋଇଥିଲା। ଗତକାଲି ନିଖୋଜ ନେଇ ପରିବାର ଲୋକେ ଏତଲା କରିଥିଲେ। ସକାଳେ ମୃତଦେହ ମିଳିଛି। ଅଭିଯୁକ୍ତଙ୍କ ଗିରଫ ଦାବିରେ ଏନ୍ଏଚ-୧୬ ଅବରୋଧ କରିଛନ୍ତି ପରିବାର ଲୋକେ।

ଡମ୍ଫର ଧକ୍କାରେ ମାଆ ମୃତ; ପୁଅ ଓ ପୁତୁରା ଗୁରୁତର

ବାଲେଶ୍ଵର ଜିଲ୍ଲା ଜଳେଶ୍ୱର ଏନ୍ଏଚ୍ ୧୬ ଭେଲୋରା ନିକଟରେ ଏହି ଦୁର୍ଘଟଣା ଘଟିଛି।

ଗୋଟିଏ ବାଇକରେ ମାଆ, ପୁଅ ଓ ପୁତୁରା ଯାଉଥିଲେ। ସ୍ଥାନୀୟ ଲୋକ ଡ୍ରାଇଭରକୁ ଅଟକ ରଖିଛନ୍ତି।

ବାଲେଶ୍ୱର ମତ୍ସ୍ୟଜୀବୀଙ୍କ ଦ୍ୱାରା ମଝି ସମୁଦ୍ରରୁ ୩ ବାଂଲାଦେଶୀ ମତ୍ସ୍ୟଜୀବୀ ଉଦ୍ଧାର

ମଝି ସମୁଦ୍ରରେ ୩ ଜଣ ହାତ ହଲାଇବାରୁ ବାଲେଶ୍ୱର ମତ୍ସ୍ୟଜୀବୀ ଉଦ୍ଧାର କରିଛନ୍ତି।

ପରିତ୍ୟକ୍ତ ଘରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ବାଲେଶ୍ଵର ଜିଲ୍ଲା ଭୋଗରାଇ ଥାନା କିଆଁଗଡିଆ ନିକଟ ପରିତ୍ୟକ୍ତ ଘରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି।

ଘର ଝରକାରେ ଗାମୁଛାରେ ମୃତଦେହ ଝୁଲୁଛି। ମୃତ ଯୁବକ ସରବଣୀ ଗାଁର ହୋଇଥିବା ସୂଚନା ମିଳିଛି। ପୁଲିସ ଘଟଣାର ତଦନ୍ତ କରୁଛି।

Nuakhai wishes