Odisha

ସଦର ନିର୍ବାଚନ ମଣ୍ଡଳୀର ସ୍ଵାଧୀନ ପ୍ରାର୍ଥୀ ସସ୍ମିତାରାଣୀ ସିଂହ ଆଜି ସ୍ଥାନୀୟ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିଛନ୍ତି।

ଏକ ବିଶାଳ ଶୋଭାଯାତ୍ରାରେ ସ୍ଥାନୀୟ କାଳିପଡ଼ିଆରୁ ତାଙ୍କ ସମର୍ଥକଙ୍କ ଗହଣରେ ବାହାରି ଉପ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାମାଙ୍କନ ପତ୍ର ଦାଖଲ କରିଛନ୍ତି।ସେ ନିକଟରେ ବିଜେଡି ଛାଡିଛନ୍ତି।କେନ୍ଦୁଝର ନିର୍ବାଚନ ମଣ୍ଡଳୀକୁ ସବୁ ଦଳ ଅବହେଳା କରିଆସୁଥିବା ବେଳେ ସେ ଜିତି ଅଂଚଳର ବିକାଶକୁ ଗୁରୁତ୍ଵ ଦେବେ ବୋଲି କହିଛନ୍ତି।

କେନ୍ଦୁଝର ଜିଲ୍ଲା ପାଟଣା ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥୀ ବିଧାୟକ ଜଗନ୍ନାଥ ନାୟକ ଆଜି ନାମାଙ୍କନ ପତ୍ର ଦାଖଲ କରିଛନ୍ତି। ଏକ ବିଶାଳ ଶୋଭାଯାତ୍ରାରେ ତାଙ୍କ ସମର୍ଥକ ଓ ଦଳୀୟ ନେତା କର୍ମୀମାନେ ସହର ପରିକ୍ରମା କରି ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆଣିଥିଲେ।

ସେଠାରେ ନାମାଙ୍କନ ପତ୍ର ଦାଖଲ କରିଥିଲେ। ବିଜେଡି ସରକାରଙ୍କ ବିକାଶକୁ ନେଇ ମଇଦାନକୁ ଓହ୍ଲାଇଥିବା ସେ କହିଛନ୍ତି।ପାଟଣାର ବିକାଶକୁ ଅଧିକ ପ୍ରାଧାନ୍ୟ ଦେବେ ବୋଲି କହିଛନ୍ତି।ତାଙ୍କ ବାପା ପୂର୍ବତନ ବିଧାୟକ କାହ୍ନୁଚରଣ ନାୟକ, ଭାଇ ସତ୍ୟ ନାୟକ, କାନନବିହାରୀ ପୋହି, ଆଶିଷ ଚକ୍ରବର୍ତ୍ତି ସମେତ ଉପସ୍ଥିତ ଥିଲେ।