କେନ୍ଦୁଝର ଜିଲା ପାଟଣା ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ଦେଖା ଦେଇଥିବା ବିଭିନ୍ନ ବିଦ୍ୟୁତ୍ ସମସ୍ୟାର ସମାଧାନ ପାଇଁ ଶୁକ୍ରବାର ଭାରତୀୟ ଜାତୀୟ କଂଗ୍ରେସର ରାଜ୍ୟ ମିଡିଆ ସେଲ ଉପାଧକ୍ଷ ତଥା ବରିଷ୍ଠ ନେତା ଇଂ ବିନୋଦ ବିହାରୀ ନାଏକ ତୁରୁମୁଙ୍ଗା ଠାରେ ତୁରୁମୁଙ୍ଗା ବିଦ୍ୟୁତ୍ ଉପଖଣ୍ଡ ଅଧିକାରୀ ଜନ୍ମେଜୟ ବେହେରା ଙ୍କୁ ଭେଟି ଏହାର ତ୍ୱରିତ ସମସ୍ୟାର ସମାଧାନ ପାଇଁ ଆଲୋଚନା କରିଥିଲେ।

ବିଦ୍ୟୁତ୍ ଉପଖଣ୍ଡ ଅଧିକାରୀ ସମସ୍ୟାକୁ ଗୁରୁତ୍ୱର ସହ ନେବା ସହିତ ତୁରନ୍ତ ସମାଧାନ କରିବା ପାଇଁ ପ୍ରତିଶ୍ରୁତି ଦେଇଥିବା ଜଣା ପଡିଛି।

ସଦର ବ୍ଲକ କବିତ୍ରା ମହାନ୍ତ ତୋଟା ସାହିରେ ନଳକୂପ ଅଚଳ ହୋଇ ଯାଇଥିବାରୁ ସଜାଡ଼ିବା ଦାବିରେ ମହିଳା ମାନେ ଆଜି ବ୍ଲକ କାର୍ଯ୍ୟାଳୟ ଆସି ଦାବି ଜଣାଇଛନ୍ତି। ହେମଲତା ମହାନ୍ତ, ସୂର୍ଯ୍ୟମଣି ମହାନ୍ତ, ସନ୍ଧ୍ୟାରାଣୀ ମହାନ୍ତ ସମେତ ବହୁ ମହିଳା ଦସ୍ତଖତ କରି ବିଡ଼ିଓ ଙ୍କୁ ଦାବି ଜଣାଇଛନ୍ତି।

ନଳକୂପ ଅଚଳ ଯୋଗୁଁ ବିଶେଷ କରି ପାଣି ପାଇଁ ମହିଳା ମାନେ ବହୁ ଅସୁବିଧାର ସମ୍ମୁଖିନ ହେଉଛନ୍ତି। ଏଣୁ ତୁରନ୍ତ ନଳକୂପ ସଜଡ଼ା ନ ଗଲେ ଆନ୍ଦୋଳନ କରାଯିବ ବୋଲି ପଂଚାୟତ ସମିତି ସଦସ୍ୟା କିରଣ ବାଳା ନାୟକ କହିଛନ୍ତି।