Odisha Local

ଗତକାଲି ରାଜଧାନୀରେ ପ୍ରାୟ 50 ହଜାର ଡ୍ରାଇଭର ଏକାଠି ହୋଇ ବିକ୍ଷୋଭ କରିବା ବେଳେ ପରିସ୍ଥିତି ସମ୍ଭାଳିବାରେ ପୁଲିସ ବିଫଳ ହୋଇଥିବାରୁ ଗୋଇନ୍ଦା ବିଭାଗକୁ ଆଜି ସମାଲୋଚନା କରିଛନ୍ତି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା l

ସେହିପରି ଏହି ବିକ୍ଷୋଭ ସରକାରୀ ପ୍ରାୟୋଜିତ ଥିଲା ବୋଲି କହିଛନ୍ତି ବିଜେପି ନେତା ପୃଥ୍ଵୀରାଜ ହରିଚନ୍ଦନ l ଡ୍ରାଇଭରଙ୍କ ଦାବିକୁ ବିଜେପି ସମର୍ଥନ କରୁଥିଲେ ମଧ୍ୟ ସେମାନଙ୍କ ବ୍ୟବହାର ନିନ୍ଦନୀୟ ବୋଲି ସେ କହିଛନ୍ତି l

ପିସିସି ସଭାପତିଙ୍କ ସହ କଂଗ୍ରେସ ବିଧାୟକ ଦଳ ନେତାଙ୍କୁ ମଧ୍ୟ ପରିବର୍ତ୍ତନ କରିବା ଜରୁରି ବୋଲି ଆଜି ଦାବି ଉଠାଇଛନ୍ତି ବିଧାୟକ ସନ୍ତୋଷ ସିଂ ସାଲୁଜା l

ଦଳର ବିଧାୟକ ମାନେ ଏହା ଚାହାଁନ୍ତି ବୋଲି ବୋଲି ସେ କହିଥିବା ବେଳେ ଏହାର ପ୍ରତିକ୍ରିୟାରେ ବିଧାୟକ ଦଳ ନେତା ନରସିଂହ ମିଶ୍ର କିଛି କହିନାହାନ୍ତି l

ରାଜ୍ୟରେ ଦଳର ଜଣେ ବିଧାୟକଙ୍କୁ ପିସିସି ସଭାପତି କରିବା ସପକ୍ଷରେ ଆଜି ଦାବି ଉଠାଇଛନ୍ତି ବିଧାୟକ ତାରାପ୍ରସାଦ ବାହିନୀପତି l ଏହା ହେଲେ ପିସିସି ସଭାପତିଙ୍କ ସହ 8 ବିଧାୟକ ବୁଲି ପାରିବେ ବୋଲି ସେ କହିଛନ୍ତି l

ସେହିପରି କାର୍ଯ୍ୟକାରୀ ସଭାପତି ପଦ ଦିଆଗଲେ ମଧ୍ୟ ସେ ନେବେ ନାହିଁ ବୋଲି ତାରା କହିଛନ୍ତି l ବିଧାୟକ ଅଧୀରାଜ ପ୍ରାଣିଗ୍ରାହୀ ମଧ୍ୟ ସମାନ ଦାବି ଉଠାଇଛନ୍ତି l