ଆଜି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉଫୁଲା କୃଷି ସେବା ସମବାୟ ସମିତିର ପ୍ରଥମ ବୈଠକ ସଭାପତି ବୀରକିଶୋର ଅମାତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଭଙ୍ଗାମୁଣ୍ଡା ଗୋଷ୍ଠୀ କେନ୍ଦ୍ର ଠାରେ ଅନୁଷ୍ଠିତ ଉକ୍ତ ବୈଠକରେ ଆସନ୍ତା ୧୫ ତାରିଖ ମଧ୍ୟରେ ସ୍ବଚ୍ଛତା ରକ୍ଷା ପୂର୍ବକ ଧାନ ବିକ୍ରି ପାଇଁ ଚାଷୀଙ୍କ ପଞ୍ଜିକରଣ ପ୍ରକ୍ରିୟା ସମ୍ପାଦନ କରିବା , ରୁଣି ଚାଷୀଙ୍କ ସଠିକ୍ ସମୟରେ ସାର ଯୋଗେଇ ଦେବା, ସମବାୟ ସମିତିର ସ୍ଥାୟୀ ପଟ୍ଟା ମିଳିବା ଦିଗରେ ପଦକ୍ଷେପ ନେବା ବିଷୟରେ ଆଲୋଚନା ହୋଇଥିଲା ।
