ପଦ୍ମପୁରରେ 24 ଘଣ୍ଟାରେ 122 ମିମି ବର୍ଷା

ରାୟଗଡା ଜିଲ୍ଲାର ପଦ୍ମପୁରରେ ଗତ 24 ଘଣ୍ଟାରେ 122 ମିଲିମିଟର ବର୍ଷା ହୋଇଥିବା ବେଳେ ଗୁଡ଼ାରୀରେ 96.4, ବିଷମକଟକରେ 42.6 ଏବଂ କାଶୀପୁରରେ 42 ମିମି ବର୍ଷା ରେକର୍ଡ କରାଯାଇଛି l

ଲୁଗା ଦୋକାନରେ ଜିଏସଟି ଚଢ଼ାଉ

ଭୁବନେଶ୍ୱରର କଳ୍ପନା ଛକରେ ଥିବା ତାରିଣୀ ବସ୍ତ୍ରାଳୟରେ ଟିକସ ଫାଙ୍କି ଅଭିଯୋଗରେ ଆଜି ଜିଏସଟି ଚଢ଼ାଉ ଜାରି ରହିଛି l ଦୋକାନ ମାଲିକଙ୍କ ଘର ସମେତ ଚାରୋଟି ସ୍ଥାନରେ ଏକକାଳୀନ ଚଢ଼ାଉ ଚାଲିଛି l

ବାଗବର ସ୍କୁଲକୁ ଜିଲ୍ଲାପାଳଙ୍କ ପରିଦର୍ଶନ

ସୋନପୁର ଜିଲ୍ଲା ବୀରମହାରାଜପୁର ବ୍ଳକ ବାଗବର ୫ଟି ସ୍କୁଲକୁ ଆଜି ଜିଲ୍ଲାପାଳ ଆବୋଲି ସୁନୀଲ ନାରାଭାଣେ ଗସ୍ତ କରି କମ୍ପ୍ଯୁଟର ଲ୍ୟାବ ଓ ସ୍ମାର୍ଟ କ୍ଳାସ ବ୍ଯବହାର ଉପରେ ଗୁରୂତ୍ୱ ଦେବାକୁ କହିଛନ୍ତି।

ବିଇଡି ନାମଲେଖାକୁ ନେଇ ଛାତ୍ର କଂଗ୍ରେସର ଦାବିପତ୍ର

ବଲାଙ୍ଗିର ସହରରେ ଥିବା ରାଜେନ୍ଦ୍ର ବିଶ୍ୱ ବିଦ୍ୟାଳୟ ଏନ୍‌ସିପିଏର ଗାଇଡଲାଇନ୍‌ ହିସାବରେ ଏ ବର୍ଷ ଆସୁନଥିବାରୁ ସ୍ଥାନୀୟ ତଥା ଆଖପାଖ ଅଂଚଳର ଅନେକ ମେଧାବୀ ତଥା ଗରିବ ଛାତ୍ର ବିଇଡି ଶିକ୍ଷାରୁ ବଞ୍ଚିତ ହେଉଥିବା ଦାବି କରି ଆଜି ଛାତ୍ର କଂଗ୍ରେସର ଜିଲ୍ଲା ସଭାପତି ଅଙ୍କିତ ସାହୁଙ୍କ ନେତୃତ୍ୱରେ ଏକ ଦଳ ରାଜେନ୍ଦ୍ର ବିଶ୍ୱ ବିଦ୍ୟାଳୟ କୁଳପତି ଉମାବଲ୍ଲଭ ମହାପାତ୍ରଙ୍କୁ ଏକ ଦାବୀପତ୍ର ପ୍ରଦାନ କରିଛନ୍ତି।

ପ୍ଳାଣ୍ଟିଂ ଉପକରଣ ଯୋଗାଣ ସକାଶେ ଟେଣ୍ତର ବିଜ୍ଞପ୍ତି

ସମ୍ବଲପୁର ବନ ବିଭାଗ କାର୍ଯ୍ଯାଳୟ ତରଫରୁ ବିଭିନ୍ନ ପ୍ଳାଣ୍ଟିଂ ଉପକରଣ ଯୋଗାଣ ସକାଶେ ଟେଣ୍ତର ବିଜ୍ଞପ୍ତି ପ୍ରକାଶ ପାଇଛି।

ଜୁଲାଇ ୦୪ ବିଡ ଆବେଦନର ଶେଷ ତାରିଖ ରହିଛି।

ଷ୍ଟେଚ୍ଯଟରୀ ଅଡିଟ ସକାଶେ ଟେଣ୍ତର ବିଜ୍ଞପ୍ତି ପ୍ରକାଶ

ସମ୍ବଲପୁର ଡି.ଆର.ଡି.ଏ କାର୍ଯ୍ଯାଳୟ ତରଫରୁ ଷ୍ଟେଚ୍ଯଟରୀ ଅଡିଟ(ବୈଧାନିକ ତନଖି) ସକାଶେ ଟେଣ୍ତର ବିଜ୍ଞପ୍ତି ପ୍ରକାଶ ପାଇଛି।

ଆଶାୟୀ ଜୁଲାଇ ମାସ ୦୭ ଭିତରେ ବିଡ ଆବେଦନ କରିପାରିବେ।

ମଧୁବାବୁ ପେନସନ ଯୋଜନାରେ ଭତ୍ତା ବଣ୍ଟନ ଶିବିର ଅନୁଷ୍ଠିତ

ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ସଭାଗୃହ ଠାରେ ଆଜି ମଧୁବାବୁ ପେନସନ ଯୋଜନା ଅନୁସାରେ ଭତ୍ତା ବଣ୍ଟନ ଶିବିର ଅନୁଷ୍ଠିତ ହୋଇଯାଇଛି।

ଏହା ଦ୍ଵାରା ହିତାଧିକାରୀ ମାନେ ବ୍ୟାଙ୍କଖାତା ମାଧ୍ୟମରେ ଏହି ସୁବିଧା ପାଇପାରିବେ। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଆଠମଲ୍ଲିକ ବିଧାୟକ ରମେଶ ସାଏଙ୍କ ସମେତ ବ୍ଲକ ଅଧ୍ୟକ୍ଷ ଦୁଃଶାସନ ରାଉଳ ବହୁ ପ୍ରତିନିଧି ଓ ଅଧିକାରୀମାନେ ଉପସ୍ଥିତ ଥିଲେ।

ବିପୁଳ ମାରଣାସ୍ତ୍ର ସହ ପାଞ୍ଚ ଡକାୟତ ଗିରଫ

କୋଦଳା ଓ ଖଲିକୋଟ ଅଞ୍ଚଳରେ ବହୁ ଡକାୟତିରେ ସମ୍ପୃକ୍ତ ଥିବା ପାଞ୍ଚ ଜଣ ଡକାୟତଙ୍କୁ ଗିରଫ କରାଯାଇଥିବା ଆଜି ଖାଲୁକୋଟ ପୁଲିସ କହିଛି l ସେମାନଙ୍କ ଠାରୁ ଛଅଟି ବନ୍ଧୁକ, 13 ରାଉଣ୍ଡ ଗୁଳି, ଆଠଟି ମାଗାଜିନ ଏବଂ ପାଞ୍ଚ ବୋମା ଜବତ କରାଯାଇଛି l

ଛାତ୍ରୀ ନିଖୋଜ, ଥାନାରେ ଅଭିଯୋଗ

ଅନୁଗୋଳ ବ୍ଲକ ଅନ୍ତର୍ଗତ ନୁଆସାହି ଗ୍ରାମର ସୁଶିଳା ବିଶ୍ବାଳ ଓ ପାଣ୍ଡବ ବିଶ୍ବାଳଙ୍କ ଝିଅ ଇତିଶ୍ରୀ ବିଶ୍ବାଳ (୮) ବଳରାମ ପ୍ରସାଦ ସ୍ଥିତ ନକୁଳ ଚନ୍ଦ୍ର ସ୍ବତନ୍ତ୍ର ମୁକ ବଧୀର ସ୍କୁଲରେ ପଢୁଥିଲେ।

କିନ୍ତୁ ପାଞ୍ଚ ଦିନ ହେଲା ସେ ସ୍କୁଲରୁ କେଉଁଆଡେ ଚାଲି ଯାଇଛନ୍ତି ବୋଲି ଫୋନ ଆସିଥିଲା। ଏନେଇ ସବୁଆଡେ ଖୋଜାଖୋଜି କରିବା ପରେ ମଧ୍ୟ ନମିଳିବାରୁ ଆଜି ସୁଶିଳା ବିଶ୍ବାଳ ନାଲକୋ ଥାନାରେ ଲିଖିତ ଅଭିଯୋଗ କରିଛନ୍ତି।

ଆସନ୍ତାକାଲି ସକାଳ 8 ଟାରୁ ଶ୍ରୀମନ୍ଦିରରେ ନବଯୌବନ ଦର୍ଶନ

ଆସନ୍ତାକାଲି ସକାଳ 8 ଟାରୁ ମହାପ୍ରଭୁଙ୍କ ନବଯୌବନ ଦର୍ଶନ ଆରମ୍ଭ ହେବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଛି l ପ୍ରଥମ ଏକ ଘଣ୍ଟା ପରିମାଣିକ ଦର୍ଶନ ହେବ l ସକାଳ 9 ରୁ ସାଢେ 19 ସର୍ବସାଧାରଣ ଦର୍ଶନ ପାଇଁ ସମୟ ଧାର୍ଯ୍ୟ ହୋଇଛି l
ଏହା ପରେ ଅପରାହ୍ନ 2 ଟାରୁ 3 ଟା, ସନ୍ଧ୍ୟା 6 ଟାରୁ ସାଢେ 6 ଟା, ରାତି 9 ଟାରୁ ସାଢେ 10 ଟା ଏବଂ ରାତି ସାଢେ 11 ରୁ ସାଢେ 12 ଟା ଦର୍ଶନ ହେବ l

Exit mobile version