ଆଜି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ଠାରେ +୨ ଓ +୩ କଲେଜ ପିଲାଙ୍କ ମଧ୍ୟରେ ଏକ ବନ୍ଧୁତ୍ବପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଯାଇଛି।

ଏଥିରେ +୩ ଦଳ ବିଜେତା ଓ +୨ ଦଳ ଉପବିଜେତା ଘୋଷିତ ହୋଇଥିଲେ। ଏଥିରେ +୨ କଲେଜର ଅଧ୍ୟକ୍ଷ ଭୋଲାନଥ କର୍ମୀ ଓ +୩ କଲେଜର ଅଧ୍ୟକ୍ଷ ବଳଦେବ ପୁଝାରୀ ଅତିଥି ଭାବେ ଯୋଗଦେଇ ପୁରସ୍କାର ବଣ୍ଟନ କରିଥିଲେ। ଦିଲ୍ଲିପ ମେହେର ଓ ରାଜେଶ ଦାସ ଅମ୍ପାୟର ଦାୟିତ୍ୱ ତୁଲାଇଥିଲେ। ଅଧ୍ୟାପକ ରମାକାନ୍ତ ପୁରୋହିତ ଧାରା ବିବରଣୀ ପ୍ରଦାନ କରିଥିଲେ।

ଆଜି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ବାଳକ ହାଇସ୍କୁଲ ଠାରେ ବିଦ୍ୟାଳୟ ଛାତ୍ରଙ୍କ ମଧ୍ୟରେ ବ୍ୟାଡମିଣ୍ଟନ (ସିଙ୍ଗଲ)ର ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଯାଇଛି ।

ଏଥିରେ ବିଦ୍ୟାଳୟର ପୁରାତନ ଛାତ୍ର ତଥା କ୍ରୀଡାବିତ୍ ବୃନ୍ଦାବନ ମିଶ୍ର ଅତିଥି ଭାବେ ଯୋଗ ଦେଇଥିଲେ । ଖେଳକୁ କିଶୋର ମୋହନ ଡାଙ୍ଗ ଓ କୃତିବାସ ଶତପଥୀ ପରିଚାଳନା କରିଥିଲେ । ପ୍ରଧାନ ଶିକ୍ଷକ ନିରଞ୍ଜନ ଦାସ ଉଭୟ ବିଜେତା ସୌମ୍ୟରଞ୍ଜନ ମଲ୍ଲିକ ଓ ଉପବିଜେତା କାଳୀଚରଣ ସିଂ ଙ୍କୁ ଟ୍ରଫି ଦେଇ ପୁରସ୍କୃତ କରିଥିଲେ ।

ସୋନପୁର ଜିଲ୍ଲା ବୀରମହାରାଜପୁର ସଦର ସ୍ଥିତ ରଥିପଡା ଠାରେ ପଞ୍ଚୁକ ଅବସରରେ ୪୧ ତମ ଅଷ୍ଟ ପ୍ରହରୀ ନାମ ଯଜ୍ଞ ପାଇଁ ଆଜି କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି।

ଆସନ୍ତା କାଲି ସକାଳ ଠାରୁ ଅଧିବାସ ଆରମ୍ଭ ହେବ ବୋଲି ସୂଚନା ମିଳିଛି।