Puri

ରଥଯାତ୍ରାରେ ଆଜି ଭକ୍ତ ମାନେ ପ୍ରବଳ ଉତ୍ସାହରେ ତିନି ରଥ ନନ୍ଦିଘୋଷ, ତାଳଧ୍ଵଜ ଏବଂ ଦର୍ପଦଳନକୁ ଟାଣି ଟାଣି ଶରଧାବାଲିରେ ପହଞ୍ଚାଇଛନ୍ତି l

ଆଜି ରଥଯାତ୍ରା ଅବସରରେ ଶ୍ରୀକ୍ଷେତ୍ରରେ ରଥ ସମ୍ମୁଖରେ ନୃତ୍ୟଶିଳ୍ପୀ ମାନେ ପାରମ୍ପରିକ ଓଡିଶୀ ନୃତ୍ୟ ପରିବେଷଣ କରୁଥିବା ଦେଖିବାକୁ ମିଳିଥିଲା l

ମାଉସୀ ମା’ ଘର ଅଭିମୁଖେ ଗଡି ଚାଲିଛି ଜଗନ୍ନାଥଙ୍କ ନନ୍ଦିଘୋଷ ରଥ।

ପ୍ରଥମେ ବଡ଼ ଭାଇ ଏବଂ ଭଉଣୀଙ୍କୁ ବିଦା କରିବା ପରେ ଶେଷରେ ବାହାରିଥିଲେ କାଳିଆ ଠାକୁର।

ପୁରୀ ବଡ଼ଦାଣ୍ଡରେ ରଥଟଣା ଆରମ୍ଭ ହୋଇଛି।

ବଳଭଦ୍ରଙ୍କ ତାଳଧ୍ୱଜ ରଥ ପ୍ରଥମେ ଗଡ଼ିବା ଆରମ୍ଭ ହୋଇଛି। ଘଣ୍ଟଘଣ୍ଟା ନାଦରେ ପ୍ରକମ୍ପିତ ହେଉଛି ବଡ଼ଦାଣ୍ଡ।

ପୁରୀ ପ୍ରସିଦ୍ଧ ରଥଯାତ୍ରାର ଆକର୍ଷଣୀୟ ପରମ୍ପରା ଛେରାପହଁରା ନୀତି ସମ୍ପନ୍ନ ହୋଇଯାଇଛି ।

ରଥ ଉପରେ ସୁବର୍ଣ୍ଣଚାମର ଧରି ଛେରାପହଁରା ନୀତି କରୁଛନ୍ତି ଗଜପତି ମହାରାଜା ଦିବ୍ୟସିଂହ ଦେବ ।

ପୁରୀ ଗୋବର୍ଦ୍ଧନ ପୀଠାଧୀଶ ଜଗତଗୁରୁ ଶଙ୍କରାଚାର୍ଯ୍ୟ ସ୍ଵାମୀ ନିଶ୍ଚଳାନନ୍ଦ ସରସ୍ବତୀ ମହାରାଜ ଆଜି ଘୋଷଯାତ୍ରା ଅବସରରେ ତିନି ରଥରେ ମହାପ୍ରଭୁଙ୍କୁ ଦର୍ଶନ କରିଛନ୍ତି ।

ଶିଷ୍ୟଙ୍କ ସହ ଜଗତଗୁରୁ ଶଙ୍କରାଚାର୍ଯ୍ୟ ରଥ ଉପରେ ଦର୍ଶନ କରିଛନ୍ତି ।

ପବିତ୍ର ଘୋଷ ଯାତ୍ରା ପାଇଁ ଆଜି ଶ୍ରୀମନ୍ଦିରରୁ ଧାଡି ପହଣ୍ଡିରେ ଆସି ଚତୁର୍ଦ୍ଧା ମୂର୍ତ୍ତି ସିଂହଦ୍ୱାରରେ ରଥାରୁଢ଼ ହୋଇଛନ୍ତି l ପ୍ରଥମେ ସୁଦର୍ଶନ ଏବଂ ପରେ ପରେ ବଲଭଦ୍ର, ସୁଭଦ୍ରା ଓ ଶେଷରେ ଜଗନ୍ନାଥ ରଥକୁ ବିଜେ ହୋଇଛନ୍ତି l