ଭୂମିହୀନ ଚାଷୀଙ୍କ କାଳିଆ ଯୋଜନାରେ ଅନ୍ତର୍ଭୁକ୍ତ ପାଇଁ ପ୍ରସ୍ତୁତି

ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ କମ୍ପଲା ଗ୍ରାମପଞ୍ଚାୟତରେ ଆଜି ଭୂମିହୀନ କୃଷକମାନଙ୍କ ଉନ୍ନତି ପାଇଁ କାଳିଆ ଯୋଜନାରେ ଅନ୍ତର୍ଭୁକ୍ତ ପାଇଁ ପ୍ରସ୍ତୁତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଏଥିରେ ବିଶେଷ କରି କୃଷକ ପଞ୍ଜିକରଣ ବିମା ଯୋଜନା ଉପରେ ଆଲୋଚନା କରାଯାଇଛି।

ହାତୀ ଆକ୍ରମଣରେ ଚାଷୀ ମୃତ

ଆଜି ଅନୁଗୋଳ ଜିଲ୍ଲା ଛେଣ୍ତିପଦା ବନାଞ୍ଚଳ ମାରୁଢିପି ଗ୍ରାମରେ ଦନ୍ତାହାତୀ ଆକ୍ରମଣରେ ଜଣେ ଚାଷୀ ପ୍ରାଣ ହରାଇଛନ୍ତି।

ମୃତକ ଜଣକ ହେଲେ ସେହି ଗ୍ରାମର ଦୁର୍ଯ୍ୟୋଧନ ସାହୁ । ଆଜି ନିଜ ଜମି ଅଭିମୁଖେ ଯାଉଥିବା ବେଳେ ତାଙ୍କୁ ହାତୀ ଆକ୍ରମଣ କରି ମାରି ଦେଇଥିଲା l

ଗ୍ରାମୀଣ ବିକାଶ ବିଭାଗର ଯାନ ଭଡା ପାଇଁ ଟେଣ୍ତର

ଅନୁଗୁଳ ଜିଲ୍ଲା ଓଡିଶା ଗ୍ରାମୀଣ ବିକାଶ ଓ ବଜାର ନିୟନ୍ତ୍ରଣ ସୋସାଇଟିକୁ ଗୋଟିଏ ଯାନ ଭଡାରେ ଲଗାଇବା ସକାଶେ ଟେଣ୍ତର ବିଜ୍ଞପ୍ତି ପ୍ରକାଶ ପାଇଛି।

ଆଶାୟୀ ଚଳିତ ମାସ ୨୭ ତାରିଖ ଭିତରେ ବିଡ ଦାଖଲ କରିବାକୁ ସୂଚନା ରହିଛି।

ତାଳଚେର ଓକିଲ ସଂଘର ରାଜରାସ୍ତା ଅବରୋଧ

ତାଳଚେର ଓକିଲ ସଂଘର ସଭାପତି ସନ୍ତୋଷ କୁମାର ସାହୁଙ୍କ ନିର୍ଦ୍ଦେଶକ୍ରମେ ସଂଘ ପକ୍ଷରୁ ପାଲଲହଡା ଠାରୁ ବଅଁରପାଳ ପର୍ଯ୍ୟନ୍ତ ରାଜରାସ୍ତାର ସଂପ୍ରସାରଣ, ନବୀକରଣ, ମରାମତି ନିମିତ ରାଜରାସ୍ତାକୁ ଶାନ୍ତିଶୃଙ୍ଖଳା ଭାବେ ଅବରୋଧ କରାଯାଇଥିଲା ।

ସଂଘର ତରଫରୁ ଏଥିପାଇଁ ପ୍ରଶାସନକୁ ମଧ୍ୟ ଅବଗତ କରାଯାଇଥିଲା । ଏହି ରାଜରାସ୍ତା ଅବରୋଧରେ ଓକିଲ ସଂଘର ସାଧାରଣ ସଂପାଦକ ଦିନବନ୍ଧୁ ସାହୁ, ଉପସଭାପତି ମାନସ ରଂଜନ ଶତପଥିଙ୍କ ସହ ବହୁ କାର୍ଯ୍ୟକର୍ତ୍ତା ସାମିଲ ହୋଇଥିଲେ l

ଦ୍ୱାଦଶ ବିଜ୍ଞାନରେ ପି.ଶ୍ରେୟାଶୁ ଅନୁପମ ଜିଲ୍ଲାରେ ଟପ୍ପର

ଅନୁଗୋଳ ଜିଲ୍ଲା ତାଳଚେର ଜଗନ୍ନାଥ ଏରିଆ ଡେରା ଡିଏଭି ସ୍କୁଲ ଛାତ୍ର ପି.ଶ୍ରେୟାଶୁ ଅନୁପମ ସିବିଏସଇ ପରିଚାଳିତ ଦ୍ୱାଦଶ ବିଜ୍ଞାନ ପରୀକ୍ଷାରେ ୯୮.୨% ମାର୍କ ରଖି ଅନୁଗୋଳ ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଛନ୍ତି।

ସେ ତାଳଚେର ସ୍ୱୟଂଶାସିତ ମହାବିଦ୍ୟାଳୟର ନୃତତ୍ତ୍ୱ ବିଭାଗର ଅଧ୍ୟାପକ ଶଶାଙ୍କ ଶେଖର ପ୍ରଧାନ ଓ କନକ ମଞ୍ଜରୀଙ୍କ ସୁପୁତ୍ର ଅଟନ୍ତି। ଏହି ସଫଳତାର ଶ୍ରେୟ ସେ ତାଙ୍କ ଜେଜେବାପା ଜୟକୃଷ୍ଣ ପ୍ରଧାନ, ବାପା ମାଆ ଓ ଶିକ୍ଷକ ଶିକ୍ଷୟିତ୍ରୀମାନଙ୍କୁ ଦେଇଛନ୍ତି। ସେ ଭବିଷ୍ୟତରେ ଜଣେ ଆଇଆଇଟି ଇଞ୍ଜିନିୟର ଓ ସାଇବରସାଇବର ବିଶେଷଜ୍ଞ ହେବାକୁ ଲକ୍ଷ୍ୟ ରଖିଛନ୍ତି।

ଓକିଲ ସଂଘ ପକ୍ଷରୁ ଜାତୀୟ ରାଜପଥ ଅବରୋଧ

ଅନୁଗୁଳ ଜିଲ୍ଲା ଓକିଲ ସଂଘ ପକ୍ଷରୁ ଏନ୍ଏଚ୍-୫୫ ରାସ୍ତାର ସମ୍ପ୍ରସାରଣ ବିଳମ୍ବ ଓ ରାସ୍ତା ଦୂରାବସ୍ଥାର ପ୍ରତିବାଦରେ ୬ ଘଣ୍ଟିଆ ଜାତୀୟ ରାଜପଥ ଅବରୋଧ କରିଛନ୍ତି l

ସହରର ଥାନା ଛକ, ପଞ୍ଚମହଲା ଛକରେ ସଂଘ ପକ୍ଷରୁ ପିକେଟିଂ କରାଯାଇଛି l ବନ୍ଦ ଯୋଗୁଁ ସମ୍ବଲପୁର-କଟକ ରାସ୍ତାରେ ଗମନାଗମନ ବ୍ୟାହତ ସୃଷ୍ଟି ହୋଇଛି l

ଡିଏଭି ଅନୁଷ୍ଠାନ ସମୂହର ଦକ୍ଷତା ବିକାଶ କାର୍ଯ୍ୟକ୍ରମ ଅନୁଷ୍ଠିତ

ଅନୁଗୁଳ ଜିଲ୍ଲା ସ୍ଥାନୀୟ ଡିଏଭି ତାଳଚେର ଥର୍ମାଲ ଉଚ୍ଚ ବିଦ୍ୟାଳୟରେ ଡିଏଭି ଅନୁଷ୍ଠାନ ସମୂହର ଶିକ୍ଷକ-ପ୍ରଶିକ୍ଷାର୍ଥୀଙ୍କ ନିମିତ୍ତ ୨୦୨୨-୨୩ ଶିକ୍ଷାବର୍ଷ ପାଇଁ ଦକ୍ଷତା ବିକାଶ କାର୍ଯ୍ୟକ୍ରମ ଆଜି ଉଦ୍ଘାଟିତ ହୋଇଛି।

ଏହି କାର୍ଯ୍ୟକ୍ରମକୁ ଡିଏଭି ଅନୁଷ୍ଠାନ ସମୂହର ସହ ଆଞ୍ଚଳିକ ଅଧିକାରୀ ତଥା ଡିଏଭି ପବ୍ଲିକ ସ୍କୁଲ, କଳିଙ୍ଗ କ୍ଷେତ୍ରର ଅଧ୍ୟକ୍ଷ ସୁରେନ୍ଦ୍ର କୁମାର ଭୋଇ ଶୁଭ ଉଦ୍ଘାଟନ କରିଥିଲେ। ଉକ୍ତ କାର୍ଯ୍ୟକ୍ରମ ଆସନ୍ତା ଦୁଇ ଦିନ ଧରି ଚାଲିବା ସହିତ ଜୁଲାଇ, ୨୫ ତାରିଖରେ ଉଦଯାପିତ ହେବ ବୋଲି ସୂଚନା ମିଳିଛି l

କାନ୍ଥ ଭୁଷୁଡି ଛୋଟ ଛୁଆର ମୃତ୍ୟୁ

ଅନୁଗୁଳ ଜିଲ୍ଲା କଣିହାଁ ବ୍ଲକ ଅନ୍ତର୍ଗତ ଝରା ସାହିରେ ଘରେ ଗୋଟିଏ ଛୁଆ ଶୋଇଥିବା ବେଳେ ହଠାତ୍ ମାଟି କାନ୍ଥ ଭୁଷୁଡି ପଡିବାରୁ ଛୁଆର ମୃତ୍ୟୁ ଘଟିଥିବା ଜଣାପଡିଛି।

୪୮୦ ଲିଟର ମଦ ସହ ଜଣେ ଗିରଫ

ଢେଙ୍କାନାଳ ଜିଲ୍ଲାର କଲାଡି ଗ୍ରାମର ସୁବ୍ରତକୁମାର ନାଏକ ଟାଟା ମ୍ୟାଜିକ ଯୋଗେ ୪୮୦ ଲିଟର ମଦ ଧରି ଯାଉଥିବା ବେଳେ କୈାଣସି ସୁତ୍ରରୁ ଖବର ପାଇ ଅନୁଗୁଳ ଜିଲ୍ଲା ପଞ୍ଚମହଲା ଠାରୁ ଆଜି ଅନୁଗୁଳ ଅବକାରୀ ବିଭାଗ ଚଢାଉ କରି ଜବତ କରି ଟାଟା ମ୍ୟାଜିକ ସହ ସୁବ୍ରତକୁ‌ ଗିରଫ କରିଛି।

Nuakhai wishes