ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉଫୁଲା ଗ୍ରାମ ପଞ୍ଚାୟତର ସରପଞ୍ଚ ଶ୍ରୀୟା କର୍ମୀ ଆସନ୍ତା ସ୍ୱାଧୀନତା ଦିବସ ଠାରୁ ବ୍ଲକ କାର୍ଯ୍ୟାଳୟ ଆଗରେ ପୂର୍ବାହ୍ନ ୧୦ଟା’ ଠାରୁ ଆମରଣ ଅନଶନରେ ବସିବାକୁ ଚେତାବନୀ ଦେଇଥିବା ଜଣାପଡିଛି । ପ୍ରାୟ ବର୍ଷେ ହେଲା ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା (ମନରେଗା)ରେ ବ୍ୟକ୍ତିଗତ ପ୍ରକଳ୍ପ ସବୁ ଅନୁମୋଦନ ନ ହୋଇ ଅଟକି ରହିଥିବା ପ୍ରତିବାଦରେ ସେ ଏଭଳି ନିଷ୍ପତି ନେଇଥିବା ଜଣାଯାଇଛି । ଆମରଣ ଅନଶନ କରିବା ନେଇ ସେ ସ୍ଥାନୀୟ ପୋଲିସ ଓ ବିଭିନ୍ନ ଅଧିକାରୀମାନଙ୍କୁ ଜଣାଇ ଥିବା ପ୍ରକାଶ କରିଛନ୍ତି ।
