ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ସ୍ଥିତ ଶ୍ରୀଜଗନ୍ନାଥ ଏକାଡେମୀର ଦଶମ ଶ୍ରେଣୀ ଛାତ୍ରଛାତ୍ରୀମାନଙ୍କ ବିଦାୟ ସମ୍ବର୍ଦ୍ଧନା ଉପଲକ୍ଷେ “ସ୍ୱପ୍ନର ଡାକ” ଶୀର୍ଷକ ଏକ ଭାବପ୍ରବଣ ବିଦାୟୀ ଉତ୍ସବ ଆଜି ଅନୁଷ୍ଠିତ ହୋଇଯାଇଛି । ଏହି ଅବସରରେ ପରିଚାଳନା କମିଟିର ସଭାପତି ବାବୁଲାଲ ମନ୍ତ୍ରା ମୁଖ୍ୟ ଅତିଥି ଓ ପଞ୍ଚସଖା ଶିକ୍ଷା ସେତୁର ସଭାପତି ନଲିନିକାନ୍ତ ବାଘ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ପ୍ରଧାନ ଶିକ୍ଷକ ସୁଧୀର ହୋତା ସଭାରେ ଅଧ୍ୟକ୍ଷତା କରିଥିବାବେଳେ ଶିକ୍ଷକ ଅମିତ ପାତ୍ର, ଅନିରୂଦ୍ଧ ପାଢ଼ୀ, ସାନ ଡାଙ୍ଗ, ହୃଷୀକେଶ ପଧାନ, ବିଜୟ ହୋତା, ପ୍ରଫୁଲ୍ଲ ସାହୁ ଏବଂ ଭଗବତୀ ହୋତା ପ୍ରମୁଖ ଉପସ୍ଥିତ ଥିଲେ । ଅତିଥିମାନେ ଛାତ୍ରଛାତ୍ରୀମାନଙ୍କୁ ଉଦବୋଧନ ଦେଇ ଗଭୀର ଆତ୍ମବିଶ୍ୱାସ, ଶିଷ୍ଟାଚାର ଓ ସତ୍ୟନିଷ୍ଠ ହୋଇ ଜୀବନର ଚଳାପଥରେ ଆଗୁସାର ହେବାକୁ ପରାମର୍ଶ ଦେଇଥିଲେ । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ପରିବେଷଣ କରାଯାଇଥିଲା । ଶେଷରେ ଶଙ୍ଖସିନ୍ଧୁ ପୁରୋହିତ ଧନ୍ୟବାଦ ଅର୍ପଣ କରିଥିଲେ।
