ଗତ ୭ ଓ ୮ ତାରିଖ ଦୁଇଦିନ ଧରି ଝାରସୁଗୁଡ଼ା ମଙ୍ଗଳ ବଜାର ସ୍ଥିତ ଅଡିଟୋରିୟମ କ୍ରୀଡ଼ା ପ୍ରାଙ୍ଗଣରେ ଆୟୋଜିତ ଖେଲୋ ଇଣ୍ଡିଆ ଅସ୍ମିତା ପେନାକ ସିଲାଟ ଲିଗ (ପୂର୍ବାଞ୍ଚଳ) ଅନୁଷ୍ଠିତ ହୋଇଯାଇଛି । ସୁବର୍ଣ୍ଣପୁର ଜିଲ୍ଲା ପଞ୍ଚାକ୍ ସିଲାଟ ସଂଘ ପକ୍ଷରୁ ବୀରମହାରାଜପୁରର କ୍ରୀଡାବିତ୍ ଆବୃତ୍ତି ସେଠୀ ଏଥିରେ ଓପନ କ୍ୟଟୋଗିରିରେ ଅଂଶଗ୍ରହଣ କରି ସ୍ଵର୍ଣ୍ଣ ପଦକ ସହ ୮ ହଜାର ଟଙ୍କାର ପୁରସ୍କାର ରାଶି ହାସଲ କରିଥିବା ଜଣାଯାଇଛି । ଏଥିସହ ସେ ଜାତୀୟ ସ୍ତରରେ ହେବାକୁ ଥିବା ପ୍ରତିଯୋଗିତାରେ ଅଂଶଗ୍ରହଣ ପାଇଁ ମନୋନୀତ ହୋଇଛନ୍ତି । ଏହି ଲିଗରେ ପୂର୍ବ ଭାରତର ୧୨ଟି ରାଜ୍ୟରୁ ୬୦୦ରୁ ଉର୍ଦ୍ଧ୍ବ ମହିଳା ଖେଳାଳି ଅଂଶଗ୍ରହଣ କରିଥିଲେ । ଓଡ଼ିଶା ଦଳ ମୋଟ ୮୦ଟି (୨୩ ସ୍ଵର୍ଣ୍ଣ, ୨୭ ରୌପ୍ୟ ଓ ୩୦ ବ୍ରୋଞ୍ଜ) ପଦକ ହାସଲ କରି ଦଳଗତ ଭାବେ ଚମ୍ପିଆନ ହୋଇଥିଲା ।
